எடக்கு மடக்கு

ஈகோ...கோ....கோ... (குறுங்கதை) - பகுதி 1

2012-01-18T11:09:00.004+04:00

இந்த பொங்கலுக்கு மாப்பிள்ளைய கூட்டிக்கிட்டு நீயும் வாயேன்…. தயக்கமாகவும் வேண்டுதலாகவும் மாமி சொன்னாள்…

வேதா கைபேசியை அழுத்தமாக பிடித்தாள் கண்கலங்கினாள், தொண்டை அடைத்தது…. அதற்கு என்ன பதில் சொல்வது என தெரியாமல்… ‘அப்பா….’ என கேள்வியாய்…. தயக்கமாய் பலகீனமாய் காற்று கலந்து கேட்டாள்.

ம்.. அவரு சொல்லித்தானே சொல்றேன், என்ற அம்மாவின் பதிலால் மேலும் நிலை குலைந்தாள். ‘அப்புறமா பேசுறேம்மா, ஒரு அஞ்சு நிமிசம் கழிச்சு…. பதில் கேட்காமலேயே கைபேசியை துண்டித்தாள்…

அழுகை முட்டிக் கொண்டு வந்தது. எட்டு வருசம், ஒண்ணா ரெண்டா, எட்டு வருசம் முழுதாக எட்டு வருசம்.

பார்க்கவில்லை, போனதில்லை,.. லெட்டரியதில்லை.. இப்பத்தான் கொஞ்ச நாட்களாக அம்மாவோடு மட்டும் இந்த குரலுறவு…. டெலிபோன் உறவு. இல்லாமல் மொத்த உறவும், பிறந்த ஊரும் அப்படியே அல்லவா சட்டென விட்டு போனது. என் வீடு, என் ஊர் என்றிருந்த ஸ்ரீரங்கம் இன்று எனக்கு அன்னியமாக அல்லவா போனது. போனது போகட்டும், அம்மா இன்றைக்கு அழைக்கிறாள் எனும் ஒற்றை நினைப்பே ஆறுதலாக இருக்கிறது. தனக்கென ஆட்கள் இருக்கிறார்கள் எனும் நினைப்புத்தான் வாழ்க்கையோ.

கண்ணன் என்ன சொல்வான், வரச் சம்மதிப்பானா…. அடேயப்பா, எத்தனை உரம் நிறைந்த கணவன். காதலனாகவும் கணவனாகவும் அவன் இருப்பது என் அதிர்ஷ்டம். அன்று அந்த ஸ்ரீரங்கத்து தெருவில் பற்றிய என் கையை இன்று வரை தளர்த்தவே இல்லை. காதலன் என்ற பந்தம் கடந்து, கணவன் என உயர்ந்தானே. ரத்தம் வழிந்தோட, அமைதியாய் ஆனால் தீர்க்கமாக என் கை பற்றி ‘வா…’ என ஒற்றை சொல்லுடன் தன்னுடன் அழைத்து வந்தானே… காதலித்த கடமைக்காக, பொறுப்புள்ள குடும்பத்தலைவனாக மாறி, என் ஒவ்வொரு தேவையையும் குறிப்புணர்ந்து செய்தானே… அதன் பிறகு ஒரு வார்த்தை கூட குற்றமாய் சொல்லவில்லை.

ஆனாலும் இன்றைக்கு போகலாமா என கேட்டால் என்ன சொல்லுவான். நடு ரோட்டில் என்னை அடித்த ஒருவர் வீட்டுக்கு வரச் சொல்கிறாயா என சீறுவானோ… தப்புத்தான் …

அப்பா அப்படி கை நீட்டியிருக்க கூடாது. என்ன தான் கோபம் இருந்தாலும் அதற்கென இப்படியா செய்வார், விறகுக்கட்டை எடுத்து என்னை அடித்தார், போகட்டும் நானாவது பெற்ற பிள்ளை, என்ன உரிமையில் கண்ணன் மீது கை வைத்தார்.

ஆனால் கண்ணன் தீர்க்கமானவன். கண்ணன் தன் நிலை தவறாது, ஒரு வார்த்தை பேசாது, அமைதியாய் நின்றானே. உறுதியாய் உயரமாய் இந்த உலகமே புரிந்தது போல நின்றானே. அன்றுதான் அவன் மிக அழகாக தெரிந்தான். தன் மனம் கவர்ந்த பெண்ணுக்காக,

அமைதியாய் கண்ணியம் காத்து, பொறுமையுடன் நின்றானே, இப்போது நினைத்தாலும் பெருமை மிக்க கணங்கள் அவை. சரி அதிருக்கட்டும் பொங்கலுக்கு என்ன செய்வது... அம்மா அழைப்பை எப்படி கண்ணனிடம் சொல்வது... வீட்டுக்கு பொங்கலுக்கு போகலாம் என எப்படி அழைப்பது.

இவ்வளவு நாளாய் அம்மாவிடம் பேசுகிறாயா நீ…. என குதிப்பானோ… சே… நாம் ஒரு தப்பு பண்ணி விட்டோம். அம்மாவிடம் போனில் பேசுகிறோம் என சமயம் பார்த்து சொல்லியிருக்க வேண்டும்.

மீண்டும் ஸ்ரீரங்கத்து வீதிகளில் கண்ணனின் கை கோர்த்து நடக்க வேண்டும். வீடு இருக்கும் அந்த முனையில் கரும்பு விற்க ஒரு தற்காலிக கடை இருக்கும்,.. அந்த முக்கு கடையில் நின்று பொங்கலுக்கு கரும்பு வாங்கினால்…. கண்ணணோடு நெருங்கி நின்று தோள் உரசி நின்று… நினைப்பே கரும்பை விட இனித்தது.

காணும் பொங்கல் என சொல்லி, கொள்ளிடத்துக்கு டெம்போவில் சென்றால், கூட்டம் அதிகமாக இருக்கும் பட்சத்தில் அவன் மேல் அதீதமாய் சாய்ந்தபடி கோடி இன்பமல்லவா…. அப்பா அம்மா குரலோடு, கொண்டவன் மெய் தீண்டலும்… என கற்பனை சிறகு விரிக்க, வேதா இன்னும் குழம்பினாள்.

கைபேசி மறுபடி உயிர்பெற்று ரிங்கியது. சிறிய டிஸ்பிளேயில் என்னவன் என மின்னியது… அடடா, கண்ணன் அழைக்கிறானே….

‘உங்களப்பத்தி தான் நினைச்சிக்கிட்டு இருந்தேன்…’

‘சாப்பிடும்போது, பொதப்புல தட்டி, ஒரே இருமல், நீதான் நினைச்சுருப்பன்னு தெரியும். என்ன சொல்லு’ இன்னும் பாக்கியிருந்த இருமலோடு கண்ணன் பேசினான்.

என்ன சொல்ல, எதைப்பற்றி சொல்ல… அம்மா ஊருக்கு கூப்பிட்டத சொல்லலாமா… இப்படித்தான் சொல்வது என யோசிக்க கூடவில்லையே. வேதா அமைதியாக இருந்தாள்.

’எனக்குத்தான் இருமல், உனக்கென்ன, சொல்ல வேண்டியதை சொல்லலாமே..’ கண்ணன் மெல்லிய குரலில் கேட்டான்.

வேதா வெட்கப்பட்டாள், அவன் குரலில் இருந்த அன்னியோன்யம் அவளை வெட்கப்பட வைத்தது. அவனை பிடித்தது, அவன் குரல் இனிமையாக தோன்றியது, அவளுக்கு தன்னையும் பிடித்தது இந்த உலகை பிடித்தது. வெற்று அமைதியில் ஒன்றும் சொல்லாமல், மெல்லிய வாய் திறந்து, சொன்னாள் ‘ஐ லவ் யூ’

கண்ணன் அமைதியானான். அவனும் உணர்ச்சி வசப்பட்டான். ‘ஹே… நல்லாயிருக்கு… குரல் சூப்பரா இருக்குது’ அப்புறம்… இதே மூட்ல இன்னும் ஒரு நாலு மணி நேரம் இருந்துரு… ஆபிஸ்ல வேலை முடிச்சுட்டு வந்துர்றேன்….

தொலைபேசியை வைத்து விட்டு, அவன் கண் மூடினான். மூடிய கண்ணின் உள் நீர் திரண்டது. உலகம் இனிமையாய் கண்டான். காதல் இவ்வுலகின் மிதமிஞ்சிய இனிமை. மனதை கிறுகிறுக்க வைக்கும் உச்சகட்ட போதை. அந்த சுகத்தில் கண்கள் இன்னும் கிறங்கியது. கண்ணீர் கண்களை தாண்டி, உஷ்ணமாய் இறங்கி கன்னத்தை நனைத்தது. அந்த கன்னத் தீண்டலில் அவனுக்கு சுகம் தெரிந்தது. வழிந்த நீரை துடைக்காமல் அவன் அப்படியே இருந்தான்.

மனம் சற்று முன் பேசிய தொலைபேசிக்கு சென்றது. ஸ்ரீரங்கத்தில் இருந்து அழைத்த மாமாவிடம் சென்றது. எத்தனை வயது பெரியவர், எவ்வளவு தன்மையாக பேசினார்.

‘சாரி சார், உங்க கால்ல விழுந்து கேட்டுக்கிறேன், அன்னிக்கு ஏதோ புத்தி கெட்டு நடந்துக்கிட்டேன். ஜென்ம ஜென்மமா தேடினாலும் உங்க மாதிரி ஒரு மருமகன் என் மகளுக்கு கிடைச்சிருக்க மாட்டான். நீங்க தெய்வம் மாதிரி. இந்த பொங்கலுக்கு நீங்க அவளையும் கூட்டிகிட்டு வருவீங்களா’

வேதா கூப்பிட்டால் என்ன சொல்வாள். ஏன் சினந்து அறுத்திட்டு, சிரிச்சுக்கிட்டு ஓட்டினா சரியாச்சா… ஊருல ரோட்டுல என்ன ஆட்டம் போட்டார். இப்ப மட்டும் என்னவாம் புதுசா பொண்ணு பாசம், குடும்ப பாசம்… என சீறுவாளோ….

சே… போன வாரம் ஒரு நாள் அலுவலக மீட்டிங் சம்பந்தமாய் சென்னை சென்றிருந்த போது, அவரை பார்த்ததும். அவராய் வந்து, கை குலுக்கி சாரி என ஒற்றை வார்த்தை சொல்லி விட்டு சென்றதையும் வேதாவிடம் சொல்லியிருக்க வேண்டும். இன்று நாளை என சந்தர்ப்பம் தேடியது தப்பாக போய் விட்டது.

இருக்கட்டும், இன்று எப்படியும் பேசி விடலாம். திக் திக் இதயத்துடன், ஸ்கூட்டரை ஸ்டாண்ட் போட்டு விட்டு கண்ணன் வீட்டுக்குள் நுழைந்தான். வேதா அவனை எதிர் கொண்டு முற்றத்தில் இறங்கினாள்.

தொடரும்…

பொங்கலோ பொங்கல்

2012-01-12T16:17:00.003+04:00

நண்பர்கள் மற்றும் அவர்தம் குடும்பத்தார் அனைவருக்கும் மனம் கனிந்த இனிய பொங்கல் திருநாள் நல்வாழ்த்துக்கள்.

மார்கழி முடிந்து பிறந்தது தை
மனதில் நாளும் நம்பிக்கை வை

புதிதாய் வாங்கிய பானை இங்கு
அதை சுற்றி கட்டிய மஞ்சள் கிழங்கு

சந்தையில் வாங்கிய அடிக்கரும்பு
அதனுடன் வாங்கிய பூவும் அரும்பு

மாவால் போட்ட பல வகை நெளிக்கோலம்
அது காட்டியது கன்னியர்களின் கைஜாலம்

உமி களைந்து எடுத்த சம்பா அரிசி
அது நீரோடு நீராக ஒட்டி உரசி
அதனுடன் உடைத்து சேர்த்தது வெல்லம்

அதை இதமாய் பதமாய் சமைத்தது இல்லம்

மேக கூட்டம் களைந்து, வானத்தை பிளந்து
சூரிய கதிர்கள் பளீரென பிரகாசம் காட்ட

இருண்ட சூழல் விலகி வெளிச்சம் கூட்ட
சூரியனின் ஒளிக்கதிர்கள் பூமியை அடைய

நம் பூவுலகின் இருள் விலகியது.
அதுபோல் நம் வாழ்வின் இருள் விலக
எல்லாம் வல்ல இறைவனை வேண்டுவோம்

அனைவரும் ஒன்று கூடி உரக்க கூவுவோம் -
"பொங்கலோ பொங்கல்

பொங்கலோ பொங்கல்"

HAPPY NEW YEAR 2012

2011-12-29T16:31:00.004+04:00

புத்தாண்டாம் ஆங்கில புத்தாண்டு

கொண்டாட்டமாய் பிறந்த புத்தாண்டு

அதை மகிழ்வுடன் வரவேற்போம் - நாமின்று

கடந்தகால சோதனைகளை துடைத்து விட்டு

சூழ்ந்துள்ள வேதனைகளை தொலைத்து விட்டு

புத்தாண்டில் பதிப்போம் சாதனை கல்வெட்டு

சாதியின் பெயரால் சண்டையிட வேண்டாம்

மதத்தின் பெயரால் மண்டை உடைய வேண்டாம்

நாம் அனைவரும் சமம் என்று உரக்க சொல்வோம்

இதை அனுதினமும் மனதில் நிலைநிறுத்துவோம்

கடினமாய் உழைத்தே பிழைத்திடுவோம்

சோம்பல் எண்ணங்களை அழித்திடுவோம்

தீவிரவாத எண்ணங்களை கைவிடுவோம்

அமைதியை கை கொண்டு ஆனந்தம் கொள்வோம்

அனைவரின் வாழ்விலும் அமைதியும், சந்தோஷமும் நிலைத்திருக்க

என்றென்றும் அந்த ஆண்டவனை நினைத்திடுவோம்

(தோழமைகள் மற்றும் அவர்தம் குடும்பத்தார் அனைவருக்கும் என் மனம் கனிந்த இனிய 2012 ஆங்கில புத்தாண்டு நல்வாழ்த்துக்கள்....)

தோழமைக‌ள், குடும்பத்தார் அனைவருக்கும் இனிய‌ தீபாவ‌ளி ந‌ல்வாழ்த்துக்க‌ள்...

2011-10-23T07:25:00.005+04:00

தீபாவளித் திருநாள் தத்துவம்... குழந்தைகளுக்குச் சொல்லுங்கள்!

பண்டிகைகள் ஏன், எதற்காக என்ற கேள்வி ஏதேனும் ஒரு நேரத்தில் நமக்குள் தோன்றத்தான் செய்கிறது. நம் அகத்தையும் புறத்தையும் நன்கு புதுப்பித்துக் கொள்ளவும், புத்துணர்ச்சியையும் மறுமலர்ச்சியையும் ஏற்படுத்திக் கொள்ளவும் ஏற்படுத்தப் பட்டவையே, பண்டிகைகள்! குறிப்பாக, தீபாவளி பண்டிகைக்குள் இருக்கிற தத்துவங்களை அறிவதும் தெளிவதும் அவசியம்.

ஏன் பட்டாசு வெடிக்கிறோம்?

பகவான் ஸ்ரீகிருஷ்ணர், நரகாசுரனை வதம் செய்தார். 'என்னுடைய இறந்த நாளை அனைவரும் கொண்டாட வேண்டும்’ என நரகாசுரன், ஸ்ரீகிருஷ்ணரிடம் வேண்டினான் என்கின்றன, புராணங்கள். அதனால்தான் பட்டாசு வெடித்து, தீபாவளி கொண்டாடுகிறோம். பேராசை, பெருங்கோபம், பொருட்பற்று, பகுத்தறிவின்மை, கர்வம், பொறாமை ஆகிய தீய குணங்கள், அரக்கர்களுக்கு இணையானவை. பட்டாசைப்போல் இவை பொசுங்கி, நாம் நற்குணங்களுடன் திகழவேண்டும் என்கிற தத்துவமும் இதில் அடங்கியிருக்கிறது.

எண்ணெய் தேய்த்து நீராடுவது ஏன்?

நல்லெண்ணெய்யில், ஸ்ரீமகாலட்சுமி சிறந்து திகழ்கிறாள்; நீராடப் பயன்படுத்து கிற வெந்நீரில், கங்காதேவி வாசம் செய்கிறாள் என்கின்றன சாஸ்திரங்கள். 'ஜலே கங்கா, தைலே லக்ஷ்மீ’ என்பார்கள். அதனால்தான், தீபாவளி நாளில், ''கங்கா ஸ்நானம் ஆச்சா?'' என்று விசாரித்துக் கொள்கிறோம். எண்ணெய் தேய்த்துக் குளிப்பதால், உடலில் இருக்கிற மாசு களைகிறது. உள்ளத்து மாசுகளையும் களைய இறைவனைப் பிரார்த்திக்கிறோம். இதனை சம்ஸ்கிருதத்தில் 'தோஷ அபநயநம்’ என்பார்கள். அதாவது, குறைகளை நீக்குவது என்று அர்த்தம்.

புத்தாடை எதற்காக?

குறைகளைத் தள்ளி, நற்குணங்களைப் பெறுவதே புத்தாடை அணிவதன் நோக்கம்.

'குணம்நாடிக் குற்றமும் நாடி அவற்றுள் மிகைநாடி மிக்க கொளல்’ என்கிறார் திருவள்ளுவர். இதனை சற்றே மாற்றி, நம் குணங்களை நாமே ஆய்வுக்கு எடுத்துக் கொள்வது சிறப்பு! ஒருவன் வாழ்வில் வெற்றிபெற வேண்டுமானால், அவன் அதிகமாகத் தூங்கக் கூடாது; நேரங்கெட்ட நேரத்தில் உறங்கக் கூடாது; எப்போதும் சோர்வடையக்கூடாது. சோம்பேறியாக, பயம் கொண்டவனாக, சுருங்கச் செய்யவேண்டிய காரியத்தை நீட்டிச் செய்பவனாக இருக்கக் கூடாது. மனித வளர்ச்சியை தடுக்க வல்லவை, இவை!

ஷட்தோஷா: புருஷேநேஹ ஹாதவ்யா பூதிமிச்சதா
நித்ரா தந்த்ரா பயம் க்ரோத: ஆலஸ்யம் தீர்கஸுத்ரதா

அதாவது, 'மேன்மையை விரும்பும் மனிதனால் கைவிடப்பட வேண்டிய குணங் கள் (குறைகள்) ஆறு. அவை... உறக்கம், சோர்வு, பயம், கோபம், சோம்பல், காலந் தாழ்த்திச் செயல்படுதல்’ என்கிறது இந்த ஸ்லோகம். இந்தத் தீய குணங்களைத் தள்ளி நற்குணங்களைக் கொள்வதை மனதில் கொண்டு புத்தாடை உடுத்தி, அவரவர் களுக்குரிய சமயச் சின்னங்களை அணிவது அவசியம். நற்குணங் களை வளர்க்க, இதன் மூலம் சங்கல்பம் செய்கிறோம்.

பெரியோரை வணங்குதல்

எண்ணெய் தேய்த்து நீராடி, புத்தாடை உடுத்தி, இறைவனையும் பெரியோர்களை வணங்குகிறோம். விடிகாலையில் எழுந்து, தான் அன்று செய்ய வேண்டிய நல்லறப் பணிகளையும். ஒப்புயர்வற்ற பரம்பொருளையும் சிந்தித்து, தாய் தந்தையைத் தவறாமல் தொழ வேண்டும் என்பதே சான்றோர்கள் கண்ட வாழ்வியல் கோட்பாடு என்கிறது ஆசாரக் கோவை. பெரியோர்களைப் பணிந்து, சாஷ் டாங்கமாக நமஸ்கரிப்பது என்பது, நம் ஆணவ- அகங்காரத்தை போக்கும்; நம்மைச் செம்மைப்படுத்தும்; ஆனந்தம் தரும்.

விளக்கேற்றி வழிபடுதல்

தீபம் என்றால் விளக்கு; ஆவளி என்றால் வரிசை. தீபாவளி என்றால், தீபங்களின் வரிசை! முற்காலங்களில், தீபாவளியன்று கார்த்திகை மாதத்தைப் போல, வரிசையாக விளக்கேற்றி வழிபடுவார்கள். அந்த வழக்கம் காலப்போக்கில் மாறிவிட்டது. தீபாவளி அன்று, வரிசையாக தீபங்களை ஏற்றி வைத்து வழிபடுவதே உத்தமம்! 'அறிவாகிய விளக்கை ஏற்றி, பரம்பொருளை அறிந்துகொள்ளுங்கள். இறையருளால் உங்கள் துன்பங்கள் எல்லாம் நீங்கும். மெய்ப்பொருள் தத்துவத்தை, தகுந்த குருநாதர் விளக்கிச் சொன்னால், அது தெளிவாக விளங்கும்’ என்கிறார் திருமூலர். 'தனக்குப் பாழ்அற்றறிவு இல்லாத உடம்பு’ என்கிறது நான்மணிக் கடிகை. மனிதனின் மாபெரும் சிறப்பே அறிவுதான். ஆகவே, அகத்தில் உள்ள அறிவொளியைப் புறத்தில் வழிபடுவதே, ஒளி வழிபாட்டின் உள்ளார்ந்த தத்துவம்.

இனிப்பு வழங்குதல்

இனிப்புகளை இறைவனுக்கு நைவேத்தியம் செய்து, அனைவருக்கும் வழங்குகிறோம். எல்லோரும் இன்புற்றிருக்க வேண்டும்; ஆனந்தமாக இருக்க வேண்டும் என்கிற பரந்த மனப்பான்மையின் வெளிப்பாடு இது! இந்த உலகில், நாம் அழுவதற்காகப் பிறக்கவில்லை. எல்லோரும் இன்புற்று வாழ் வதற்கே பிறந்திருக்கிறோம். இன்பத்தை நாம் உணர்ந்து, பிறருக்கும் அந்த இன்பத்தை வழங்க வேண்டும். அதனை வலியுறுத்தவே, இனிப்பு வழங்குகிறோம். இந்தச் செயலால், அன்பு நிறைந்ததாக மாறிவிடும் இந்த உலகம்!

மேலும் இந்த நன்னாளில், ஸ்ரீமகாலட்சுமி மற்றும் ஸ்ரீகுபேர பூஜைகளைச் செய்து வழிபடுகின்றனர். எதைச் செய்தாலும், அதன் தத்துவத்தை அறிந்து, உணர்ந்து செய்யுங்கள். இல்லையெனில், வருங்காலத் தலைமுறையினர் இதனை அர்த்தமற்றது என்று ஒதுக்கிவிடுவர். குழந்தைகளுக்கு இவற்றை எடுத்துச் சொல்லி, தீபாவளித் திருநாளை, மனம் தித்திக்கக் கொண்டாடுங்கள்!

தோழமைகள் மற்றும் குடும்பத்தார் அனைவருக்கும் என் மனம் கனிந்த இனிய தீபாவளி நல்வாழ்த்துகள்....

(நன்றி : சக்தி விகடன்)

பாமா விஜயம் - திரையில் நட்சத்திர குவியல்

2011-10-18T09:19:00.004+04:00

60-70-80களில் தாய்ப் பாசம், தங்கை பாசம், சகோதர உறவு, தேச ஒருமைப்பாடு, வன்முறைக்கு இடம்தராமல் பாதுகாப்பது, விரலுக்கு ஏத்த வீக்கம், வரவுக்குத் தகுந்த செலவுகள் செய்வது... இதுபோன்ற கருத்துகளை நிலைபெறச் செய்யும் முயற்சிகளில் பல திரைப்படங்கள் வெளிவந்துள்ளன.

அவற்றுள், போலி கௌரவத்தை உடைத்து குடும்ப ஒற்றுமையை உயர்த்திக் காண்பித்து, பெரும் வெற்றியை ஈட்டிய திரைப்படம்தான் பாமா விஜயம்! தமிழ்த் திரையுலக வரலாற்றில், காலத்தால் அழியாத நகைச்சுவைத் திரைப்படங்களில் ஒன்று தான் இயக்குனர் சிகரம் கே.பாலசந்தரின் பாமா விஜயம். கருத்தாழம் மிகுந்த கதைக்குப் பொருத்தமான கதாபாத்திரங்களை உருவாக்கி, பொருத்தமான கலைஞர்களை உலாவரச் செய்து திரை உலகத்தைத் திரும்பிப் பார்க்க வைத்தவர் கே.பி. விறுவிறுப்பான நகைச்சுவையை காட்சிகளில் நிரப்பி, படம் பார்ப்பவர்களை ஜோராய் சிரிக்கவைத்த கே.பி.யின் திறமையை உயரத்தில் தூக்கி வைத்த படம். ஒரு தலைமுறை பார்த்து ரசித்தது இந்த பாமா விஜயம்….

அந்நாளில் எடுக்கப்பட்ட அனைத்து புராண படங்களில் மட்டுமே நிறைய நட்சத்திரங்கள் பங்கு பெறுவர்… ஆனால் அதிசயமாக சமூகப்படமான “பாமா விஜயம்” படத்தில் அந்த கால கட்டத்தில் மிகப்பிரபலமாக இருந்த ஒரு மிகப்பெரிய நட்சத்திர குவியலையே வைத்து வேலை வாங்கி இருப்பார் இயக்குநர் கே.பி…அவர்கள்...

பாலையா

மேஜர் சுந்தர்ராஜன்

சவுகார் ஜானகி

முத்துராமன்

காஞ்சனா

நாகேஷ்

ஜெயந்தி

ஸ்ரீகாந்த்

சச்சு

வாணிஸ்ரீ

எம்.எஸ்.விஸ்வநாதன் அவர்களின் இசையில் “ஆணி முத்து வாங்கி வந்ததேன்”, “வரவு எட்டணா, செலவு பத்தணா” போன்ற இனிமையான பாடல்கள் இருக்கும்....

தமிழில் இது போல் பெரிய நட்சத்திர பட்டாளத்தை வைத்து வேலை வாங்கிய படங்கள் என்னென்ன என்று சொல்லுங்களேன்...

ஆணி முத்து வாங்கி வந்ததேன்

படம் : பாமா விஜயம்
இசை : மெல்லிசை மன்னர் எம்.எஸ்.விஸ்வநாதன்
பாடல் : கவியரசு கண்ணதாசன்
பாடியவர்: சூலமங்கலம் ராஜலக்ஷ்மி, P.சுசீலா, L.R.ஈஸ்வரி

வரவு எட்டணா செலவு பத்தணா
அதிகம் ரெண்டணா கடைசியில் துந்தனா துந்தனா துந்தனா…
1 2 3 4 5 6 7 8 mmmmm

வரவு எட்டணா செலவு பத்தணா
அதிகம் ரெண்டணா கடைசியில் துந்தனா துந்தனா துந்தனா

நிலைமைக்கு மேலே நினைப்பு வந்தால் நிம்மதி இருக்காது
அய்யா நிம்மதி இருக்காது

அளவுக்கு மேலே ஆசையும் வந்தால் உள்ளதும் நிலைக்காது
அம்மா உள்ளதும் நிலைக்காது

வயசு மேலே உலகத்தில் உள்ள நல்லது பிடிக்காது
மாமா நல்லது பிடிக்காது

வயசு பிள்ளைகள் புதுசா பெருசா வாழ்வது பொறுக்காது
அப்பா வாழ்வது பொறுக்காது

வாடகை சோபா
20 ரூபா
விலைக்கு வாங்கினா
30 தே ரூபா

வாடகை சோபா
20 ரூபா
விலைக்கு வாங்கினா
30-தே ரூபா - வரவு

அடங்கா மனைவி அடிமை புருஷன் குடும்பதுக்காகாது

அடங்கா மனைவி அடிமை புருஷன் குடும்பதுக்காகாது
அய்யா குடும்பதுக்காகாது

யானையை போலே பூனையும் தின்னா ஜீரணமாகாது
அய்யா ஜீரணமாகாது

பச்சை கிளிகள் பறப்பதை பார்த்தா பருந்துக்கு பிடிக்காது
அப்பா பருந்துக்கு பிடிக்காது

பணத்தை பார்த்தால் கௌரவம் என்பது மருந்துக்கும் இருக்காது
மாமா மருந்துக்கும் இருக்காது

தங்க சங்கிலி இரவல் வாங்கினா
தவறி போச்சுன்னா தகிட, தந்தன
ஹே ஹே ஹே...........

பாமா விஜயம் கிருஷ்ணனுக்காக இங்கே எதுக்காக
அய்யா இங்கே எதுக்காக

மாதர்கள் எல்லாம் கன்னியராக மாறணும் அதுக்காக
அப்பா வேறே எதுக்காக

கன்னியராக மாறனுமென்றால் பிள்ளைகள் எதுக்காக
அய்யா பிள்ளைகள் எதற்காக

காதல் செய்த பாவத்துக்காக வேறே எதுக்காக
அப்பா வேறே எதுக்காக

பட்டால் தெரியும் பழசும் புதுசும்
கேட்டால் தெரியும் கேள்வியும் பதிலும் – வரவு எட்டணா, செலவு பத்தணா, அதிகம் ரெண்டணா, கடைசியில் துந்தனா, துந்தனா.... துந்தனா….

கேப்டன் - அதிரடி மீட்டிங் (பாகம்-2)

2011-04-07T08:08:00.007+04:00

நான் முன்னமே சொன்ன மாதிரி, நம்ம நாட்டுல ஆச்சி சரியில்ல... எங்கன பாத்தாலும், கொலை, கொள்ளை, கற்பழிப்பு, வழிப்பறி இப்படி எல்லாம் நடக்குது...

நாங்க ஆச்சிக்கு வந்தா, இதை எல்லாம் தடுப்போம்... அப்புறம், நாங்களே பண்ணுவோம்... என்னது... கொலை, கொள்ளைய பண்ணுவோமான்னு கேக்கறியா?? டேய் பரதேசி... நீ எந்த கச்சிகாரன்னு சொல்லுடா...

என்னது என் கச்சியா?? என் கச்சில இருந்துட்டு தைரியமா என்னிய பத்துன உண்மைய சொன்னதுக்கு ஒரு டேங்ஸ்... ஆனா, இன்னில இருந்து ஒனக்கு சனி உச்சத்துல வந்துட்டான்... கேப்டன் கை காட்டியதும், ஒரு குண்டர் படை அந்த தொண்டரை அள்ளி சென்றது...

என்னதான் உண்மைன்னாலும், அத இப்படி பப்ளிக்கா சொல்லக்கூடாது.. நான் கூட எலக்சன் டைம்ல... எனக்கு எல்லாம் தெரியும்... ஆனாக்க, சொல்ல மாட்டேன்னு சொல்லி கருணாநிதி கிட்டவே ஆட்டம் போட்டேன்... இவன் என்னடான்னா, நம்ம தொழில் ரகசியத்த இப்படி ஒடச்சு பேசறான்... அவன கொண்டுட்டு போய், குடோன்ல வச்சு பட்டைய கெளப்புங்கடா... அந்த பரதேசி இனிமே சாப்பிட கூட வாய தொறக்கக்கூடாது... என்று கர்ஜிக்கிறார்...

இவிய்ங்க ஆச்சில நடந்த இன்னொரு அநியாயத்த சொல்லவா? என்று கேட்கிறார்... தொண்டர்கள் பாவம் போல், தலையை ஆட்டுகிறார்கள்...

நான் கடைசியா "விருதகிரி"ல நடிச்சேன் இல்ல... நடிச்சேனா இல்லையா, சொல்லுங்கடா?? வாயில என்னடா வச்சு இருக்கீங்க....என்கிறார்...

ஆமாம், தலீவா... ஆஸ்கர் நடிப்பு தலீவா என்று உணர்ச்சிவசப்பட்டு முன்னால் வந்து கூவிய தொண்டனுக்கு பையில் இருந்து ஒரு ரூ.500 நோட்டு எடுத்து தருகிறார்... நைட்டு செலவுக்கு வச்சுக்கோ, சைட் டிஸ்ஸுக்கும் சேர்த்து, ஒகேவா என்று சொன்னவாறு தன் பேச்சை தொடர்கிறார்...

தேர்தல் சுற்றுப்பயணம் போன எடத்துல எல்லாம் என்னிய பார்த்து "கருப்பு எம்.ஜி.ஆர்."னு மக்கள் வாயார வாழ்த்துனாங்க... எனக்கு ரெம்ப சந்தோசமா இருந்துச்சி... ஆனாக்க, இனிமே "எம்.ஜி.ஆர" நீங்க எல்லாரும்"வெள்ளை விஜயகாந்த்"னு கூப்பிடணும்... அத்த என் காதால நான் கேக்கணும்... கூப்பிடுவீங்களா என்று அடித்தொண்டையில் காட்டு கத்தலாக கேட்கிறார்...

கூட்டம் மெய்மறந்து, விசிலடித்து கை தட்டுகிறது... கேப்டன் உற்சாகமாகிறார்... பின்னால் திரும்பி சைகை காட்ட, ஒரு கூஜாவில் இருந்து கேப்டனின் பக்குவத்திற்கு மிக்ஸ் செய்யப்பட்ட "டாஸ்மாக்" ஒரு கிளாஸில் ஊற்றி கொடுக்கப்படுகிறது. அந்த "டாஸ்மாக்"கில் தொண்டை நனைந்தவுடன் கேப்டன் பழைய ஃபார்முக்கு திரும்புகிறார்... உற்சாகமாக உளற தொடங்குகிறார்...

நான் கஸ்டபட்டு நடிச்ச "விருதகிரி" படத்த "ஆஸ்கார்" அவார்டுன்னு ஏதோ இருக்காமே, அதுக்கு அனுப்ப மாட்டாய்ங்களாம்... நான் கேக்கறேன்... ஆச்சி உங்க கையில இருந்தா, அதுக்காக, நான் கஸ்டபட்டு நடிச்ச படத்த அனுப்ப மாட்டீய்ங்களா?? நான் ஜனாதிபதிய பாத்து மனு தரப்போறேன்...

அதே மாதிரி, என் இன்னொரு படம் "மரியாதை" இங்க சென்னையில ரிலீஸ் பண்ணவே விடல... இது அராஜகம் இல்லையா?? பதில் சொல்லுங்க..

மத்தியில இருக்கற காங்கிரஸும், மாநில அரசு தி.மு.க.வும் இது போல என்னிய தொடர்ந்து வெறுப்பேத்தினா, நான் ஏற்கனவே, முடிவு பண்ணின "டாஸ்மாக்" நுழைவு போராட்டம் தீவிரம் அடையும்...

ஒரு மாசத்துக்கு, எங்கள தவிர யாரும் "டாஸ்மாக்" கடை உள்ளக்கவே நொழைய முடியாது... "டாஸ்மாக்"தான் நாங்க... நாங்கதான் "டாஸ்மாக்"... இது ஓகேவா, பாத்துடுவோமா, நீங்களா, நாங்களான்னு, ஒரு மாசம், உங்க ஆளுங்க, மத்தவிய்ங்க சரக்கு அடிக்காம இருக்க முடியுமா??

போராடறதுன்னு வந்துட்டா, நானே நேர்ல எறங்கிடுவேன்... எல்லா கடைக்கும், நானே நேர்ல போயி, சரக்கு மொத்தமும் வாங்கி, எங்க ஆளுங்கள கூப்பிட்டு கொடுத்துடுவேன். அப்புறம், நீங்க குடிமக்களுக்கு பதில் சொல்லி ஆகணும்... சொல்ல வேண்டியத சொல்லிட்டேன்...அப்புறம் ஒங்க இஷ்டம்... என்கிறார்...

நான் பேச ஆரம்பிச்சா, நிறுத்த மாட்டேன்... ஆனாக்க, எனக்கு நெறைய வேலை இருக்கு... இப்போதைக்கு சில புள்ளி விபரம் மட்டும் சொல்றேன் என்றதும் அந்த இடமே காலியானது… (அங்கு ஓரத்தில் சாப்பிட்டு போடப்பட்டு இருந்த பிரியாணியை மொய்த்து கொண்டிருந்த 4 ஈயும், 2 காக்காவும்…. கூட அலறியடித்து பறந்து போனது)……..

வெறுத்து போய், அந்த இடத்திலிருந்து கிளம்பிய அதே சமயம், ரோட்டில் ஓரமாய் நின்றிருந்த பேருந்தில், ஜன்னலோரமாய் அமர்ந்திருந்தவர்கள் கேப்டனை பார்த்து கையசைக்கிறார்கள்.. ஆனால், ஒரு பெண்ணின் கையிலிருந்த ஒரு சிறு குழந்தை, கேப்டனை நேருக்கு நேராக பார்த்த மாத்திரத்தில் "பூச்சாண்டி", "பூச்சாண்டி" என்று பயத்தில் கதறி, அலறி, வீறிட்டு அழ தொடங்குகிறது...

(இதற்கு மேல எழுதுவதற்கு,என்னாலேயே முடியாததால், தற்போதைக்கு தற்காலிக முற்றும்....)

உலகின் ஒரே ஏழை - அட்ராட்ர நாக்க முக்க...

2011-03-26T12:06:00.011+04:00

தேர்தல் களம் சூடு பிடித்துள்ள நிலையில் முதல் முயற்சியாக வடிவேலுவை வைத்து தேமுதிக-வின் விஜயகாந்த் அவர்களை நார் நாராக கிழித்து வசைபாட வைத்தவரும், திருவாரூரில் போட்டியிடும் வேட்பாளரான திரு.கருணாநிதி தன் சொத்து விபரங்களை அளித்துள்ளார்... இந்த உலகமகா ஏழைக்கு சொந்தமா கார் கூட இல்லையாமாம்... சொத்து கணக்கு படித்து விட்டு யாரும் மயக்கம் போட வேண்டாம் என்று கேட்டுக்கொள்கிறேன்...

**********

சென்னை: முதல்வர் கருணாநிதியின் சொத்து மதிப்பு விவரம் வெளியாகியுள்ளது. அதில் அவர் கூறியுள்ளபடி அவரிடம் சொந்தமாக ஒரு கார் கூட இல்லை என்று தெரிவிக்கப்பட்டுள்ளது.

திருவாரூர் தொகுதியில் முதல்வர் கருணாநிதி போட்டியிடுகிறார். அவர் தனது சொத்து குறித்த விவரத்தை தந்துள்ளார்.

கருணாநிதியின் சொத்து மதிப்பு விவரம்:கருணாநிதி பெயரில் ரொக்கம்மாக 15 ஆயிரம் ரூபாய். அவரது மனைவி தயாளு அம்மாள் பெயரில் 30 ஆயிரம் ரூபாய், துணைவி ராஜாத்தி பெயரில் 2 லட்சம் ரூபாய் உள்ளது.

வங்கிக் கணக்கில் வைப்பு நிதியாக கோடம்பாக்கம் இந்தியன் வங்கியில் 4 கணக்குகள் உள்ளன. இதில் 5 கோடியே 13 லட்சத்து 49 ஆயிரத்து 152 ரூபாய். அடையாறு கரூர் வைசியா வங்கியில் 13 லட்சத்து 74 ஆயிரத்து 664 ரூபாய்.

கர்நாடகா வங்கியில் 39 லட்சத்து 62 ஆயிரத்து 995 ரூபாய். ராயப்பேட்டை இந்தியன் வங்கியில் 10 ஆயிரத்து 958 ரூபாய். சென்னை மகாலிங்கபுரம் இந்தியன் ஓவர்சீஸ் வங்கியில் 11 ஆயிரத்து 135 ரூபாய்.

கோடம்பாக்கம் இந்தியன் வங்கியில் 11 லட்சத்து 39 ஆயிரத்து 441 ரூபாய். ராஜா அண்ணாமலைபுரம் இந்தியன் வங்கியில் 13 லட்சத்து 15 ஆயிரத்து 180 ரூபாய் என, மொத்தம் 5 கோடியே 91 லட்சத்து 63 ஆயிரத்து 5,256 ரூபாய். 22 பைசா வங்கிக்கணக்கில் பணம் வைத்துள்ளார்.

அஞ்சுகம் பதிப்பகம் என்கிற பங்குதாரர் நிறுவனத்தில் 50 சதம் பங்குகள் 78,330 ரூபாய். இந்த நிறுவனத்திற்கு சென்னை, 180/93, கோடம்பாக்கம் நெடுஞ்சாலையில் சொந்தான கட்டடம் மற்றும் நிலம். கோபாலபுரம் 15-4வது குறுக்குத்தெருவில் அஞ்சுகம் அம்மாள் அறக்கட்டளைக்கு செட்டில்மென்ட் செய்யப்பட்ட 6 ஆயிரத்து 162 சதுர அடி மனை மற்றும் அதில் உள்ள கட்டடம். அறக்கட்டளை சொத்து ஆயுட் காலம் அனுபவ பாத்தியம் உள்ளது. தஞ்சை மாவட்டம் அகரத்திருநல்லூர் கிராமத்தில் (சர்வே எண் 29, 30/2, 31/2ஏ) 14.30 ஏக்கர் நிலம். இதற்கான மதிப்பு 4 கோடியே 92 லட்சத்து 56 ஆயிரத்து 855 ரூபாய். இதன் மூலம் அவரது பெயரில் 10 கோடியே 84 லட்சத்து 20 ஆயிரத்து 380 ரூபாய். அவருக்கு திரைப்படம் எடுக்க மும்பையில் மோசர்பேரிடம் 10 லட்சம் ரூபாய் முன்பணம் வாங்கிய வகையில் கடன் உள்ளது என தெரிவித்துள்ளார். வருமான வரி 37 லட்சத்து 34 ஆயிரத்து 20 ரூபாய் கட்டியுள்ளார்.

அசையும் சொத்து மதிப்பில், மனைவி தயாளு பெயரில் கலைஞர் "டிவி' நிறுவனத்தின் பங்குதாரர் என்ற வகையில், 6 கோடி ரூபாய் உட்பட 15 கோடியே 39 லட்சத்து 85 ஆயிரத்து 363 ரூபாய். அசையா சொத்துகள் 5 லட்சத்து 22 ஆயிரத்து 635 ரூபாய். இது தற்போதைய நடப்பு சந்தையின் தோராய மதிப்பாக 5 லட்சத்து 51 ஆயிரம் என குறிப்பிடப்பட்டுள்ளது.

துணைவியார் ராசாத்தி பெயரில் அசையும் சொத்துகள் 20 கோடியே 62 லட்சத்து 61 ஆயிரத்து 924 ரூபாய். அசையா சொத்துகள் 3 கோடியே 8 லட்சத்து 35 ஆயிரத்து 318 ரூபாய். இதற்கு தற்போதைய நடப்பு சந்தையின் தோராய மதிப்பு 3 கோடியே 14 லட்சத்து 38 ஆயிரத்து 628 ரூபாய்.

தனது மகள் கனிமொழியிடம் இருந்து, பற்றில்லாக் கடனாக (அச்சச்சோ...பாவம், எவ்ளோ ஏழை பாருங்க.....) வாங்கிய ஒரு கோடியே ஒரு லட்சத்து 76 ஆயிரத்து 503 ரூபாய் கடன் உள்ளது என சொத்து விவரத்தில் தெரிவிக்கப்பட்டுள்ளது.

*************

ஸ்ஸ்ஸ்ஸ்ஸ்ஸ்ஸ்ஸ்ஸ்............யப்பா.......... நெம்ப கண்ண கட்டுதேடா கபாலி.....

(நன்றி : தட்ஸ்தமிழ்.காம்)

கிரீன் டீ - மருத்துவ குணங்கள்

2011-03-16T09:24:00.004+04:00

கிரீன் டீ பற்றி நிறைய விஷயங்கள் கேள்விப்பட்டு இருந்தாலும், இந்த ஃபார்வர்ட் மெயிலில் இது பற்றி நிறைய விஷயங்கள் இருந்ததால், அதை ஒரு பதிவாக்கி நிறைய பேர் தெரிந்து கொள்ள இங்கே தருகிறேன்...

********

25 Reasons Why You Should Start Drinking Green Tea Now.
Green tea has increasingly become a very popular drink worldwide because of its immensely powerful health benefits.
It is extraordinarily amazing what green tea can do for your health.

And if you're not drinking 3 to 4 cups of green tea today, you're definitely NOT doing your health a big favor.

Here Are The 25 Reasons Why You Should Start Drinking Green Tea Right Now:

1. Green Tea and Cancer

Green tea helps reduce the risk of cancer.
The antioxidant in green tea is 100 times more effective than vitamin C and 25 times better than vitamin E.
This helps your body at protecting cells from damage believed to be linked to cancer.

2. Green Tea and Heart Disease

Green tea helps prevent heart disease and stroke by lowering the level of cholesterol.
Even after the heart attack, it prevents cell deaths and speeds up the recovery of heart cells.

3. Green Tea and Anti-Aging

Green tea contains antioxidant known as polyphenols which fight against free radicals.
What this means it helps you fight against aging and promotes longevity.

4. Green Tea and Weight Loss

Green tea helps with your body weight loss. Green tea burns fat and boosts your metabolism rate naturally.
It can help you burn up to 70 calories in just one day. That translates to 7 pounds in one year.

5. Green Tea and Skin

Antioxidant in green tea protects the skin from the harmful effects of free radicals, which cause wrinkling and skin aging.
Green tea also helps fight against skin cancer.

6. Green Tea and Arthritis

Green tea can help prevent and reduce the risk of rheumatoid arthritis.
Green tea has benefit for your health as it protects the cartilage by blocking the enzyme that destroys cartilage.

7. Green Tea and Bones
The very key to this is high fluoride content found in green tea.
It helps keep your bones strong.
If you drink green tea every day, this will help you preserve your bone density.

8. Green Tea and Cholesterol

Green tea can help lower cholesterol level.
It also improves the ratio of good cholesterol to bad cholesterol, by reducing bad cholesterol level.

9. Green Tea and Obesity

Green tea prevents obesity by stopping the movement of glucose in fat cells.
If you are on a healthy diet, exercise regularly and drink green tea, it is unlikely you'll be obese.

10. Green Tea and Diabetes

Green tea improves lipid and glucose metabolisms, prevents sharp increases in blood sugar level, and balances your metabolism rate.

11. Green Tea and Alzheimer's

Green tea helps boost your memory.
And although there's no cure for Alzheimer's, it helps slow the process of reduced acetylcholine in the brain, which leads to Alzheimer's.

12. Green Tea and Parkinson's

Antioxidants in green tea helps prevent against cell damage in the brain, which could cause Parkinson's. People drinking green tea also are less likely to progress with Parkinson's.

13. Green Tea and Liver Disease

Green tea helps prevent transplant failure in people with liver failure. Researches showed that green tea destroys harmful free radicals in fatty livers.

14. Green Tea and High Blood Pressure

Green tea helps prevent high blood pressure. Drinking green tea helps keep your blood pressure down by repressing angiotensin, which leads to high blood pressure.

15. Green Tea and Food Poisoning

Catechin found in green tea can kill bacteria which causes food poisoning and kills the toxins produced by those bacteria.

16. Green Tea and Blood Sugar

Blood sugar tends to increase with age, but polyphenols and polysaccharides in green tea help lower your blood sugar level.

17. Green Tea and Immunity

Polyphenols and flavenoids found in green tea help boost your immune system, making your health stronger in fighting against infections.

18. Green Tea and Cold and Flu

Green tea prevents you from getting a cold or flu.
Vitamin C in green tea helps you treat the flu and the common cold.

19. Green Tea and Asthma

Theophylline in green tea relaxes the muscles which support the bronchial tubes, reducing the severity of asthma.

20. Green Tea and Ear Infection

Green tea helps with ear infection problem.
For natural ear cleaning, soak a cotton ball in green tea and clean the infected ear.

21. Green Tea and Herpes

Green tea increases the effectiveness of topical interferon treatment of herpes.
First green tea compress is applied, and then let the skin dry before the interferon treatment.

22. Green Tea and Tooth Decay

Green tea destroys bacteria and viruses that cause many dental diseases.
It also slows the growth of bacteria which leads to bad breath.

23. Green Tea and Stress

L-theanine, which is a kind of amino acids in green tea, can help relieve stress and anxiety.

24. Green Tea and Allergies

EGCG found in green tea relieves allergies.
So, if you have allergies, you should really consider drinking green tea.

25. Green Tea and HIV

Scientists in Japan have found that EGCG (Epigallocatechin Gallate) in green tea can stop HIV from binding to healthy immune cells.

What this means is that green tea can help stop the HIV virus from spreading.

தைலாபுரம்..கோபாலபுரம்..சந்தர்ப்பவாத கூட்டணி கிச்சு கிச்சு

2011-02-27T07:46:00.006+04:00

அரசியல்ல இதெல்லாம் சாதாரணமப்பா என்று நீங்கள் நினைக்கிறீர்களா? உங்களுக்கும் சேர்த்து சில விஷயங்களை ஞாபகப்படுத்தவே இந்த பதிவு... பதிவிற்கு செய்தியளித்த தினமலர் நாளிதழுக்கு நன்றி சொல்லி, பதிவிற்குள் செல்வோம்.

***************

"துரோகம்... துரோகம்... பச்சைத் துரோகம்' என, தி.மு.க., தலைவரை விமர்சித்த அதே வாய், இன்று, "மீண்டும் மகத்தான வெற்றி பெற்று ஆறாவது முறை தமிழக முதல்வராக வருவார் கருணாநிதி' என்கிறது. இரு தரப்பு விமர்சனங்கள் ஏராளம். அவற்றில், நினைவில் நின்றவை மட்டும் இங்கே.

* ஆட்சியைத் தக்கவைக்க, காங்கிரசின் தயவு வேண்டும் என்பதால், இலங்கைத் தமிழர்களுக்கு கருணாநிதி துரோகம் செய்துவிட்டார். - ராமதாஸ், 25.3.2009

* இலங்கைத் தமிழர் பிரச்னையில் முதல்வர் கருணாநிதி மாற்றி மாற்றி பேசுகிறார். இருப்பது ஓர் உயிர். அது, இலங்கைத் தமிழர்களுக்காகப் போகட்டும் என்றார். பின்னர், "மத்திய அரசு நினைத்தால், இலங்கைத் தமிழர்களின் உயிர்களைக் காப்பாற்றலாம். இல்லையென்றால், இங்குள்ள தமிழர்களும் சாக வேண்டியது தான்' என்றார். அதிலிருந்தும் பல்டியடித்து, "இலங்கைத் தமிழர் பிரச்னையில் இதை விட அதிகமாக செய்வதற்கு எதுவும் இல்லை' என்கிறார். - ராமதாஸ், 11.4.2009

* இலங்கைத் தமிழர்களுக்கு காங்கிரஸ் துரோகம் செய்துவிட்டதாகக் கூறும் ராமதாஸ், மத்திய அமைச்சரவையில் தன் மகனை இன்னும் நீடிக்கச் செய்வது ஏன்? பதவியை ராஜினாமா செய்துவிட்டு இதையெல்லாம் பேசியிருந்தால், ராமதாஸ் நேர்மையானவர் என கருதலாம். - கருணாநிதி, 16.4.2009

* தமிழக முதல்வர் கருணாநிதி டில்லி சென்று, காங்கிரஸ் தலைவர் சோனியாவின் முன் அமர்ந்து, இலங்கைப் போரை நிறுத்தும்படி வலியுறுத்தியிருக்க வேண்டும். மாறாக, பொது வேலை நிறுத்தத்துக்கு அழைப்பு விடுப்பதெல்லாம் கண் துடைப்பு வேலை. - அன்புமணி, 22.4.2009

* லோக்சபா தேர்தலில் அ.தி.மு.க., கூட்டணி, 40க்கு, 40 தொகுதிகளிலும் மாபெரும் வெற்றி பெறும். தேர்தல் முடிந்ததும், தமிழக அரசியலிலும், தி.மு.க., ஆட்சியிலும் மிகப் பெரிய மாற்றம் ஏற்படும். - ராமதாஸ், 27.4.2009

* பஸ் கட்டணக் குறைப்பு என்பது, இதற்கு முன் கேள்விப்பட்டிராதது. லோக்சபா தேர்தலை ஒட்டி இந்த நடவடிக்கையை எடுத்துள்ள முதல்வர் கருணாநிதியும், போக்குவரத்து அமைச்சர் நேருவும் தங்கள் பதவியை ராஜினாமா செய்ய வேண்டும். - ராமதாஸ், 3.5.2009

* லோக்சபா தேர்தல் வருவதால், இலங்கைத் தமிழர் பிரச்னையில் தமிழக மக்களை ராமதாஸ் ஏமாற்றுகிறார். அவருக்கு இந்தத் தேர்தலில் மக்கள் சரியான பாடம் புகட்ட வேண்டும். - ஸ்டாலின், 7.5.2009

* டாஸ்மாக் நிறுவனம், 12,300 கோடி ரூபாய் லாபத்தில் இயங்குவதாக, தி.மு.க., அரசு சொல்கிறது. அது, ஏழைகளிடம் இருந்து சுரண்டப்பட்ட பணம். - ராமதாஸ், 9.1.2010

* குடிசை மாற்று வாரியம் என்பது, குடிசைகளை ஒழித்து, அவர்களுக்கு அடுக்குமாடி குடியிருப்புகள் கட்டுவதற்காக, 1967ம் ஆண்டு தி.மு.க., அரசால் உருவாக்கப்பட்டது. ஆனால், சென்னை இன்னமும் குடிசைகளின் நகரமாகத் தான் இருக்கிறது. - ராமதாஸ், 9.1.2010

* தி.மு.க., - அ.தி.மு.க., என எந்தக் கட்சியும் கூட்டணி வைக்கத் தயாராக இல்லாததால், விரைவில் பா.ம.க., என்ற கட்சியே காணாமல் போய்விடும். - ஸ்டாலின், 19.1.2010

* வாக்காளர்களுக்கு இலவச வேட்டி, சேலை வினியோகிக்கும்போது தி.மு.க.,வினர் கையும், களவுமாக பிடிக்கப்பட்டுள்ளனர். அப்படியும் அவர்கள் மீது போலீசார் நடவடிக்கை எடுக்க மறுக்கின்றனர். - ராமதாஸ், 27.2.2010

* தி.மு.க.,வுடனான கூட்டணியில் மீண்டும் இணைய நாங்கள் விரும்புகிறோம்; ராஜ்யசபா சீட் ஒன்றை எங்களுக்கு ஒதுக்க வேண்டும். - ராமதாஸ், கடிதம்

* வரும் 2011ம் ஆண்டு சட்டசபை தேர்தலுக்குப் பிறகு தான் ராஜ்யசபா தேர்தலில் சீட் ஒதுக்குவது பற்றி பரிசீலிக்கப்படும். - தி.மு.க., தீர்மானம், 30.5.2010

* தன்னைத் தானே சமூக நீதி போராளி என அழைத்துக்கொள்ளும் கருணாநிதி, ஜாதிவாரி கணக்கெடுப்புக்குத் தயாராக இல்லாதது துரதிர்ஷ்டவசமானது. - ராமதாஸ், 26.8.2010

* புராணங்களில் குரு என்றழைக்கப்பட்ட சுக்கிராச்சாரியார், நல்லவற்றை நடக்கவிடாமல் தடுத்து வந்தார். (காடுவெட்டி ) குரு என்றால் அது தான் அர்த்தம். - கருணாநிதி, 5.9.2010

* இந்தியாவிலேயே அதிகம் இளம் விதவைகள் இருப்பது தமிழகத்தில் தான். பூரண மதுவிலக்கு அமல்படுத்தப்படும் வரை இந்நிலை தான் தொடரும். - ராமதாஸ், 8.1.2011

* காங்கிரஸ், பா.ம.க., விடுதலைச் சிறுத்தைகள் உள்ளிட்ட கட்சிகள் எங்கள் கூட்டணியில் உள்ளன. - கருணாநிதி, 30.1.2011

* கூட்டணி குறித்து பா.ம.க., இன்னும் முடிவு செய்யவில்லை. எங்களுக்கு பல்வேறு தரப்பில் இருந்து அழைப்பு வருகிறது. - ராமதாஸ், 30.1.2011

* பா.ம.க., இருக்கிறது என்று நாங்கள் சொன்னபோது, அவர் மறுத்தார். இனி, கூட்டணி பற்றிய கேள்விக்கே இடமில்லை. - கருணாநிதி, 1.2.2011

* பா.ம.க.,வை கூட்டணியில் சேர்க்க சோனியா விரும்பவில்லை. டில்லியில் அவர் என்னிடம், "எதிரிகளைக் கூட மன்னித்துவிடலாம்; துரோகிகளை மன்னிக்கக் கூடாது' என்றார். - கருணாநிதி, 3.2.2011

* தி.மு.க., - பா.ம.க., கூட்டணி மகத்தான வெற்றி பெறும். - ராமதாஸ், 17.2.2011

(நன்றி : தினமலர்)

'சித்தம்' - குறும்படம்

2011-01-31T15:03:00.005+04:00

புதிய முயற்சிகளுக்கு எப்போதும் ஆதரவு தரும் தோழமைகளின் அன்புக்கு எங்களின் பணிவான வணக்கங்கள்...

நண்பர்களின் துணையோடு, “சித்தம்”” எனும் ஒரு குறும்படம் உருவாக்கி இருக்கிறோம்...

“சித்தம்” என்பதென்ன?

“எல்லாம் ஆண்டவன் சித்தங்க... !!! ஆண்டவன் சித்தம் இருந்தா நடக்கட்டும்… !!!”

இப்படி பலர், பல சந்தர்ப்பங்களில் சொல்வதை நாம் அன்றாட வாழ்வில் கேட்டிருக்கிறோம்...

சோதனைகளும், வேதனைகளும் நம்மை சூழ்ந்து கொண்டு தாக்கும் போது, நமக்கு மேல் இருக்கும் மாபெரும் சக்தியை உணர்ந்து ‘சித்தம்’ இருந்தால் நடக்கட்டும் என்று சொல்வது நம் மிகப்பெரிய பலம்.

இந்த நுண்ணிய உணர்வை ஒரு கற்பனை கதையின் மூலம் அனைவருக்கும் எடுத்து சொல்ல “ஒலி ஒளியின்”உதவி கொண்டு ஒரு குறுங்கவிதை வடித்துள்ளோம்...

தங்களின் மேலான ஆலோசனையும், கருத்து பகிரலும் வேண்டி விரும்புகிறோம். இனி, ”சித்தம்” குறும்படத்தை ரசியுங்களேன்...

”சித்தம்” குறும்படத்திற்கான YOUTUBE LINKS :

பார்ட் - 1

http://www.youtube.com/watch?v=VyVNcRKKGt4&feature=mfu_in_order&list=UL

பார்ட் - 2

http://www.youtube.com/watch?v=0fkLqLhdmGw

(ஆர்.கோபி / லாரன்ஸ்)

வெற்றி நிச்சயம் இது வேத சத்தியம் - இறுதி பகுதி

2011-01-20T11:50:00.010+04:00

சீக்கிரம் கிளம்புங்க….., ப்ளேன் வர்ற நேரமாச்சு. இங்கின இருந்து வேன் போறதுக்கே ஒரு மணி நேரமாகுமாம். சுணங்காம கிளம்பு. வேலுவின் தாயார், அரக்க பரக்க அடுப்படிக்கும் தாழ்வாரத்துக்குமாய் நகர்ந்து கொண்டிருந்தார். என் மகன் பாரின்ல இருந்த வர்றான் எனும் பெருமிதம் அவர் முகத்தில் சிரிப்பாக மலர்ந்திருந்தது. புள்ளைன்னு பெத்தா இவள மாதிரி பெறனும், குடும்பத்தயும் பாத்து பதவீசா நடக்குற நல்ல புள்ளயாவும் இருக்கணும், குடும்பத்த தூக்கி நிறுத்துற புள்ளையா இருக்கணும், என பக்கத்து வீட்டு அக்காள் சொன்னது ரொம்ப பிடித்தது. ஆம் அவள் சொல்வதில் எத்தனை உண்மை இருக்கிறது எனவும் உணர்ந்தாள், வெளியில் சொல்லவில்லை.

வேலுவின் அக்கா, அந்த அதிகாலையிலேயே குளித்திருந்தார். வெளியில் செல்ல உடுத்தும் சேலையை வீட்டுக்கு கட்டியிருந்தார்… புதுப் பெண்ணல்லவா….. அம்மாவை பார்த்து ‘ஏம்மா, வேலு எவ்வளவு காசு கொண்டு வர்றதா சொன்னான்’ என லேசான கவலையுடன் கேட்டாள். அம்மா திரும்பி அவளை பார்த்து, நீயேண்டி கவலை படுறே, காசு பிரச்சனைய பாத்துக்கிறது எங்க வேலை. எல்லாம் நல்லபடியா நடக்கும். இடைமறித்து அக்கா சொன்னாள், இல்லம்மா நகையும் ரொக்கமுமா மூணு லட்சம் முகூர்த்ததுக்கு முன்னால கொடுத்துறலாம்ன்னு அவன் சொன்னானே அதுக்கு கேட்டேன்.

எல்லாம் சரியா இருக்கும்டீ. கூட வேண்டிய நேரத்துல எல்லாம் கூடி வரும்.. புகுந்த வீட்டுல போயி, நம்ம வீட்டு கவுரதய காப்பாத்து, அப்புறமா சுணங்காம பருப்பு வேகுறத இறக்கி வைச்சுரு. கவனம் என சொல்லிவிட்டு அடுத்த வேலைக்கு வேகமாய் நகர்ந்தார்.

**************

விமானம் கிளம்பி, வானத்தில் மிதந்ததும் வேலு தன்னை தளர்த்தி கொண்டான். மனம் லேசாகி, எண்ணமும் கூட இறக்கை கட்டிஅந்த விமானத்துடன் பறந்தது. சோதனைகள் தாண்டினால் தான்யா சாதனை என்று ரஜினி அவர்கள் ஏதோ ஒரு விழாவில்சொன்னாரே... அது எவ்வளவு நிதர்சனமான உண்மை... இப்போது என் மனம் எதையோ சாதித்து விட்டதை உணர்கிறதே. இந்த சாதனை தரும் நினைவே சுகம். அதுதான் உச்சகட்ட சுகம். பெறுவதில் அல்ல கொடுப்பதில் தான் சுகம் என்பது இப்போதல்லவா புரிகிறது.

விர்ரெனும் விமான ஓசையும், உயர்தர உணவும் உறக்கத்தை அன்பளிப்பு செய்தன. கால் நீட்டி, உடலை குறுக்கி வேலு உறங்கினான். உறங்கும் போது தொடர்பில்லாமல் நிறைய கனவுகள் அலை மோதின.

கனவில் ரஜினி வந்தார், பட்டென்று கை பிடித்து, படபடவென நிறைய அறிவுரைகள் கூறினார்.... பல பழைய படங்களில் இருந்து தன்னம்பிக்கை ஊட்டும் பல பாடல்களை கேட்க சொன்னார்.... இன்னமும் என்னன்னவோ நிகழ்வுகள் வரைமுறையின்றி மனதுள் சுழற்றி அடித்தது...

திருச்சியில் விமான பணிப்பெண் தட்டி எழுப்பிய பின் தான் விழித்தான்..,... துள்ளி எழுந்தான்.. தாய் மண்ணில் வந்து சேர்ந்ததும், விமான நிலையத்தின் பெயர் பார்த்ததும் அழுகை வந்தது. கண்ணும் மனமும் அலைபாய்ந்து அங்கும் இங்கும் பார்த்தது.

எல்லா சம்பிரதாயங்களும் முடிந்து தன்னுடைய பெட்டிகளுடன் தாய் மண்ணில் கால் வைத்தான்.... உடல் மீண்டும் சிலிர்த்தது.... கம்பீரமாக நடை போட்டு வாசல் நோக்கி விரைந்தான். அன்றைய காற்றுக்கு உயிர் இருந்தது. நம்ம ஊரு காத்துக்கு ஒரு தனி உசிரு இருக்குது என மனசுக்குள் சொல்லிக் கொண்டான். காற்றும் அவனை அணைத்து, மெல்ல அவன் உடலை வருடிகொடுத்தது.... பாசமாய் தலை கலைத்தது.... முன் நெற்றியில் விழுந்த முடிக்கற்றையை மெல்ல விலக்கினான்.. பார்வை பளிச்சிட்டது....

வரவேற்க யார் வந்திருப்பார்கள் என கண்ணாடி தடுப்பின் வழியே பார்க்க முயற்ச்சித்தான். வாசலில் வேலுவின் குடும்பத்தார் யாரும் கண்ணுக்கு தென்படவில்லை,, ஆனால் மிகவும் பரிச்சயமான ஒரு முகம், துளசி, துளசியா? ....

ஆம் அது துளசிதான். அந்தமுகத்தை எப்படி மறக்க முடியும்....காதலை எனக்கு அறிமுகம் செய்த முகமல்லவா… என்னை காதலனாக்கி, சாமான்யனான என்னை எவ்வளவு கவிதைகள் எழுத வைத்த முகம் அது.... இந்த மூன்று வருடங்களில் இன்னும் பூசினது போல் இருக்கிறாள்.

அருகில் யார் புதுசாய் இருக்கிறதே? இவ்வளவு நெருக்கமாக இருப்பதை பார்த்தால், அது துளசியின் கணவனா…..ஹும்… இருக்க வேண்டும். இவர்கள் சேர்ந்து வரவேற்க இங்கு ஏன் வந்தார்கள். கேள்விகள் கண்ணாமூச்சி ஆடியது. . நெஞ்சு லேசாக வலித்தது போல் உணர்வு.. தொண்டை அடைத்தது.... பளிச்சிட்ட கண்களில் லேசாக இருள் சூழ்ந்தது... கீழே விழாமல் இருக்க அவஸ்தைப் பட்டான. கண்ணில் பார்வை தடுமாறியது, அருகில் வந்தாகிவிட்டது..

நான்தான் சரவணன், துளசியின் அருகில் இருந்தவன் தான் தொடங்கினான், ' வாங்க வேலு' ரொம்ப நேரமா காத்துக்கிட்டு இருக்கோம்.. துளசி எந்த சலனமும் இல்லாமல் உடன் வந்தாள். கண்ணில் மட்டும் மகிழ்ச்சி மின்னியது. வேலுவுக்கும் வார்த்தைகள் சண்டித்தனம் செய்தன. நல்லாயிருக்கீங்களா சரவணா....

பளிச்சென்று மின்னியது. சரவணா…. சரவணா... ஆம், இது சரவணகுமார்…. இவர் என் தங்கைக்கு பார்த்திருக்கும் மாப்பிள்ளைஅல்லவா, ஆம் அவர்கள் அனுப்பிய போட்டோவில் வந்த முகம்தான். நேரில் பார்க்க மிகவும் வித்தியாசமாக இருக்கிறது. சரி இவர் எதற்காக இங்கே வந்தார், இவருக்கு துளசியை எப்படி தெரியும். மற்றவர்கள் எங்கே, அவர்கள் யாரையும் காணவில்லையே. துளசி எப்படி சரவணனுடன் வந்தாள். அடுக்கடுக்காய் கேள்விகள் வந்து விழுந்தன.

கேள்விகள் நிறைய விழுந்தாலும் விடை மட்டும் காணாது நிற்க, மெல்லமான நடையில் வாசலுக்கு வெளியே வந்தாகிவிட்டது..ஆஹ்… இங்கே இருக்கிறார்களே!!! அதோ அம்மா, அக்கா , கூட்டத்தில் தள்ளிக் கொண்டு வருகிறார்கள்...

அம்மா எப்படிம்மா இருக்கீங்க.. வார்த்தை வரவில்லை, உதடுகள் துடித்தன, இதயம் பொங்கியது, நெஞ்சடைத்தது, வார்த்தை முட்டியது. வார்த்தை வெளிவராத அந்த சூழலில், கண்கள் மட்டுமே அதை கேட்க, தாயுள்ளம் அதை புரிந்து அவனை அணைத்து கொண்டது.

இத்தனை நாள் பார்க்காத ஏக்கம், அவனை பிரிந்த துக்கம், கண்ணீரின் வடிவில் எட்டிபார்த்தது. உடல் குலுங்கியதில் அவளின் அழுகை தெரிந்தது. தாய் தன் மகனை வாஞ்சையுடன் தோள் தடவி ஆசுவாசப்படுத்தினாள்.

டேய்... ஜம்முன்னு ராஜா கணக்கா இருக்கேடா, வெள்ளக்காரதுரை மாதிரி கால்ல பூட்டிஸ், முழுக்கை சட்டை எல்லாம். வீட்டுக்கு போன மொத வேலையா சுத்திப்போடணும்டா... நம்ம துளசி ரொம்ப கொடுத்து வைச்சவ. அந்த கடைசி வார்த்தை மனதில் ஓராயிரம் சேதி சொல்ல, புது மலர்ச்சியுடன் நிமிர்ந்து வேலு தன் தாயைப்பார்த்தான். அவன் முக மலர்ச்சியில் பல பட்டாம்பூச்சிகள் சிறகடித்து பறந்தன...

"துளசி இங்கே வாம்மா" - இது அம்மா.. என்னடா வேலு பாக்கிறே . 'உன் துளசி'டா. உன்னை பாக்கணும்னு பிடிவாதமா சண்டை போட்டு வந்தா.. சரவணன் தான் இங்க யாரையோ ஃப்ரெண்ட பிடிச்சு, நான் உள்ளே கூட்டிட்டு போறேன்ன்னு கூட்டிட்டு போனான். வேலு முதல்ல துளசியை பாக்கட்டும்னு சொன்னான்.

எனக்கும் வயசாயிருச்சு, இந்த கல்யாணத்தோட, உன் கல்யாணத்தையும் முடிச்சுறலாம்ன்னு யோசனை. உனக்கு சரின்னா, துளசிக்கும் உனக்கும் அதே முகூர்த்தத்தில ஒரே மேடையில கல்யாணம் வச்சுரலாம்.... என்னடா, அம்மா சொல்றது ரைட்டுதானே. சிரித்தாள் அம்மா..

துளசி வெட்கத்தால் தலைகுனிந்தாள், வழக்கம் போல கால்கள் தரையில் புள்ளி எதுவும் வைக்காமலேயே பெரிய பெரிய கோலங்கள் போட்டது... தலையை குனியும் அந்த ஒரு நொடியில் வேலுவின் கண்ணை சந்தித்தாள். உலகின் உச்சகட்ட சந்தோசம் அவர்கள் இருவருக்கும் அந்த ஒரு நொடி பார்வையில் வாய்த்தது. இதுதான் காதலின் உன்னதம். புனிதம்.

அனைவரும் வாடகை வேனில் ஏறி அமர, டிரைவர் வண்டியை ஸ்டார்ட் செய்து, டேப்பை ஒலிக்கவிட்டார், உச்சபட்ச குரலில் ஒரு அட்டகாசமான சூப்பர் ஹிட் பாடல் அந்த சூழ்நிலைக்கு ஏற்றவாறு ஒலித்தது.

'சிங்கநடைபோட்டு சிகரத்தில் ஏறு ,
சிகரத்தை அடைந்தால் வானத்தில் ஏறு'

வேலு தலை திருப்பி, துளசியை பார்த்தான், துளசியின் கனிந்த பார்வை சொன்ன ஓராயிரம் விஷயங்களை அவன் மனம் ஒரு நொடியில் கிரகித்ததில், அவன் சிகரத்தை அடைந்தான். தன் வாழ்க்கை அர்த்தமும் இனிமையாகவும் உள்ளதாய் வேலு உணர்ந்தான்.

முற்றும்....

(லாரன்ஸ் / ஆர்.கோபி)

வெற்றி நிச்சயம் இது வேத சத்தியம் (பகுதி-1)

2011-01-16T15:07:00.005+04:00

நண்பர்களின் வேண்டுகோளுக்கு இணங்க, இரு பகுதிகளாக ரஜினிஃபேன்ஸ்.காம் தளத்திற்கு நாங்கள் எழுதிய குறுங்கதை, இதோ உங்கள் பார்வைக்கு...

***************

*****************************************************************************************************************

கரெக்ட் டைம்தான்…!!!!

ஹலோ…. ஆங்…. 4 மணிக்கு கரெக்டா ஃப்ளைட் லேண்டிங் ஆயிடும், ஹாங்…திருச்சியிலதான்.

ஆமா….. எல்லாம் முடிஞ்சு ஒரு மணி நேரத்துல வெளிய வந்திருவேன். என்னது, ஆமாம்…. துபாய்ல 12 மணிக்குகிளம்பும்… கரெக்ட்டைம்தான். வேலு அவசியத்துக்கு அதிகமாக கொஞ்சம் உரக்கத்தான் கைபேசியில் பேசிக்கொண்டிருந்தான்.

ஃப்ளைட் டிக்கட் புக்செய்து விட்டு, அந்த ரிசப்ஷனில் இருந்து வீட்டுக்கு டெலிபோன் செய்தான். குரலில் உற்சாகம் ப்ளஸ் லேசான பதட்டம் இருந்தது. இருக்காதாபின்னே, மூன்று வருடங்களுக்கு பின் தாய்நாடு செல்வதும், குடும்பத்தை பார்ப்பதும், சாதாரணமான விஷயம் இல்லையே (குறைந்தபட்சம் அவனளவில்.....)...

வெற்றி நிச்சயம்…..இது வேத சத்தியம்
கொள்கை வெல்வதே நான் கொண்ட லட்சியம்....

திரைப்பாடல் வரி அவன் மனதில் சுழன்றோடியது. அடேயப்பா எத்தனை வலிவு மிக்க வார்த்தைகள். பிரச்சனை என வந்து துவண்டு இருந்த போது, டிவியில் ரஜினியின் முகமும் இந்த பாடலும் பார்த்த போது மனதில் ஒட்டி கொண்டது.

எத்தனை உடல் மன கஷ்டம் வரும் போதும், இந்த பாடல் வரிகளை நினைவு படுத்தி மனதிற்குள் பாடினால்…. புது உத்வேகம் வந்து விடுமே. சினிமாவுக்குத்தான் எத்தனை பெரிய சக்தி. தேங்க்ஸ் தலைவா... என்னை போன்ற எத்தனையோ பேருக்கு இப்படி முன்னுதாரணமாய் நீ இருக்கிறாய். கண்கள் லேசாய் கலங்கியது, அதில் சோகம் இல்லை, பெருமிதமே, அன்பு கலந்த பெருமிதம்.

அப்பா…என்ன ஒரு சுமை இந்த மூன்று ஆண்டுகளில். என்னவெல்லாம் நடந்துவிட்டது. பெரிய கனவுகளுடன் அந்நிய மண்ணில் வந்து இறங்கிய அந்தநாளும், ஏஜெண்டால்தான் ஏமாற்றப்பட்டதை உணர்ந்த அந்தபொழுதும், எப்படிவலித்தது.

பின் அந்த ஏமாற்றங்களை மெல்ல மெல்ல மென்று முழுங்கி, ஊருக்கும் உறவுக்கும் கொஞ்சம் மட்டுமே சொல்லி, எல்லா வேதனையையும் தானேதாங்கிக் கொண்டதும், ஹூம்… எல்லாம் நல்லதாய் நடந்து முடிந்துவிட்டது..

இருக்க இடமும் பசிக்கு உணவில்லாமலும் துபாய் வெயிலில் தனியாளாய் நின்ற போது, வாழ்க்கை எவ்வளவு கடினம் என புரிந்தது. அதே நேரத்தில் முன் பின் அறிமுகம் இல்லாத, நண்பனோ உறவோ இல்லாத பஷீர் அண்ணன் வந்து சாப்பாடு வாங்கிக் கொடுத்து, அவர் ரூமிலேயே தங்கவும் வைத்து, ஒரு வேலையையும் ஒரு வாரத்தில் ஏற்பாடு செய்து கொடுத்து, என் வாழ்வை திசை அல்லவா திருப்பி விட்டார்.

என்றாலும் இந்த மூன்று வருடத்தில் உலகம் என்ன வென்றுபுரிந்தது. யார் நண்பன், பசி என்றால் என்ன, உழைத்தும் காசு கிடைக்காததின் ஏமாற்றம் என்ன, சம்பளத்தின் விலை என்ன, சுயகட்டுப்பாடு என்றால் என்ன என எல்லாம் புரிந்தது.

இன்ப துன்பம் என்பது, இரவு பகலை போன்றது
காலம் நாளை மாறலாம், காட்சி எல்லாம் மாறலாம்
சோகம் என்ன தோழனே, சூழ்ச்சி வெல்வாய் வீரனே
எதிர்த்து நின்று போரிடு இன்று ஓய்வெடு

தோளைக் குறுக்கி, பேண்ட் பாக்கெட்டில் கை நுழைத்து, ரஜினி புகை மண்டலங்களோடு பாடி கொண்டிருந்தார்…. வேலுவின் மனத்திரையில். ரஜினியை வேலுவுக்கு ரொம்ப பிடிக்கும். வெற்றி பெற துடிக்கும் ஒவ்வொரு சராசரியின் மனதிலும் விசுவரூபமாய் எழுந்து நிற்கும் உருவம். முடியும் சாதிக்க முடியும், நேர்மையாய் நம்பிக்கையுடன் முயற்சி செய். உன் வாழ்க்கை உன் கையில் என மறுபடி மறுபடி சொல்லும் உருவம்.

பாடல் கேட்கும் நேரத்திலே, உடல் புல்லரிக்கும், புது ரத்தம் பாயும். கண்கள் கலங்கும் என்றாலும் தன்னம்பிக்கை நிமிர்ந்து நிற்கும். தேங்க்ஸ் தலைவா, தேங்க்ஸ்..

டேய்வேலு…வாடா!!!! சம்பாதிச்சு சம்பாதிச்சு என்னத்த கண்டோம். மாசத்திலஒரு நாளு லீவுல தியேட்டர் போயி, ஒரு சினிமா கூட பார்க்கலேன்னா எப்படி. என அழைத்த நண்பனை மெல்லமாய் விலக்கி விட்டு, வேலை இருக்குது, இன்னிக்கு ஓவர்டைம் கமிட் பண்ணிக்கிட்டேன், நீ போயிட்டுவா, என அனுப்பிவிட்டு, வேலைக்கு செல்வான் வேலு. ஒவர் டைமின் உபரி காசும், பொழுதுபோக்கில் செல்வழிக்காத காசு எனவும் இரட்டை சம்பாத்தியம் என மனம் கணக்கு கூட்டும்.

ஆள் இல்லாத சாலையில் ஒருமையில் குப்பை பொறுக்குகிறபோது, அழுகை வரத்தான் செய்தது. விரைந்து செல்லும் கார்களில், சில இந்திய முகங்கள் தெரிய, அவர்களின் முகத்தில் விடுமுறை கொண்டாடும் உத்வேகம் பார்க்கும் போதும், இவங்களுக்கெல்லாம் லீவு இருக்கே, எனக்குமட்டும் ஏன் இல்லை.

ஏன் என் தலையெழுத்துமட்டும் இப்படிஆயிப்போச்சு, என சிந்தித்த போது, துபாய் சூட்டையும் மீறி உள்ளம் கொதிக்கத்தானே செய்தது. இப்படி அயல்நாடு வந்து கஷ்டப்பட்டால்தானே, வீட்டில் இருக்கும் மற்ற ஜீவன்கள், கொஞ்சமாவது சுகப்பட முடியும் என்று நினைத்து, வெளி வந்த கண்ணீரை துடைக்கவும் இல்லாது, காற்றுக்கு அனுமதி தந்து அந்த அழுகையிலே கரைந்தேன்...

இருக்கும் ஒரே நிலத்தையும் விலைக்கு விற்றுவிட்டு, முள்ளங்கி பத்தை மாதிரி 2 லட்சம் ரூபாயை ஏஜெண்ட் கையில் கொடுத்தபோது, அந்த ஏஜெண்டின் சிரிப்பில் இருந்த கள்ளம் எப்படி நமக்கு தெரியாமல் போனது,. அந்த சிரிப்புக்கு பின்னால் ஒளிந்திருந்த கபட நாடகம் எப்படி தெரியாமல் போனது.

வெளிநாட்டு வேலை, போய் ரெண்டு, மூணு வருஷம் நாம மட்டும் கஷ்டப்பட்டா, நம்ம வீட்டுல இருக்கற மத்தவங்க கஷ்டம் எல்லாம் முடிந்துவிடுமே என்ற எண்ணம் மட்டுந்தானே இருந்தது.

அம்மா மட்டும் அழுது கொண்டிருந்தாள், சேலைத் தலைப்பை கையில் அடக்கி தன் கண்ணீரை துடைத்து, பொங்கி வரும் அழுகையை அடக்கவும் செய்து கொண்டிருந்தாள். தன் தாய்வீட்டுசீதனம் என யோசித்ததாலோ என்னவோ, பரம்பரை சொத்து கை விட்டு போகிறதே என்ற எண்ணமோ அம்மா கண்ணில் இருந்து வந்த கண்ணீர் மட்டும் நிற்கவே இல்லை.... ரிஜிஸ்டர் ஆபிசின் அந்த மாடிப்படிக்கு கீழே அவளிடம் சொன்ன வார்த்தை இன்றும் காதில் ஒலித்து கொண்டே இருக்கிறது.

’விசனப்படாதீங்கம்மா, எப்படியும் நம்ம கையவிட்டு போன இதே நிலத்தை நாம வாங்கிறலாம். சாமி சத்தியமா, அக்காவ கரையேத்தி, நம்ம கடனையும் முடிச்ச பின்னால, நிச்சயம் இந்த நிலம் வாங்கிறலாம். என்ன மிஞ்சிப் போனா, ஒரு அஞ்சு வருசம், அவ்வளவுதேன்…அமைதியாய் தீர்மானமாய் வேலு சொல்ல, தாய் தலை நிமிர்ந்து பார்த்தாள்.

நம்பிக்கை அவள் கண்களில் கண்ணீரையும் கடந்து பளிச்சிட்டது. என் மவன் தலை எடுத்தா என் குடும்பம் உருப்பட்டுறும் என அவள் ஊரிடம் எல்லாம் சொல்வாளே அது நடக்கும் எனும் நம்பிக்கை.

கண்ணீர் துடைத்த அந்த கண்களில் இப்போது நம்பிக்கை ஒளிவிட்டது.....

******

துபாய் ஏர்போர்ட் வெளிச்சமாய், சுத்தமாய் இருந்தது. மனதில் நிழலாடிய பழைய சில சிந்தனைகள் நூலறுந்த பட்ட மென சட்டென கலைய, தன் கைப்பையை நழுவவிடாமல் கெட்டியாக பிடித்துக்கொண்டான்... இதில்தான், அம்மாவுக்கும், சகோதரிக்கும் வாங்கிய வளையல்கள், தோடு எல்லாம் இருக்கு.....துபாய் தங்கத்துக்கு தனி மவுசுதான். இன்னொரு பொட்டியில வீட்டில் உள்ள எல்லாருக்கும் வாங்கின செண்ட், துணி மணிகள், சோப்பு மற்ற இத்யாதி விஷயங்கள் இருந்தது.... விமான சர்வீஸ் சொல்லும் எடைக்கு அதிகமாக ஒன்றும் இல்லை... ஆகவே, அந்த கிளியரன்ஸ்ல பெரிய பிரச்சனை இல்லை என்பதில் ஒரு நிம்மதி.....

ஏர்போர்ட் உள்ளே நிறைய பயணிகள்.... எல்லார் கைகளிலும் ஏதாவதொரு பை.... பையினுள்ளே, சுற்றம், சூழல் எதிர்பார்க்கும் சில பல வெளிநாட்டு பொருட்கள்.... எல்லார் முகத்திலும் ஏதாவதொரு சோக ரேகை ஓடுவதை போல் வேலு நினைத்து பார்த்தான்...

ஒரு வேளை நம் சோகம் அனைவரின் முகத்தில் பிரதிபலிக்கிறதோ என்னவோ என்று கூட தனக்குள் சொல்லிக் கொண்டான்....

டிங்… டிடிங்…. பலப்பல விமானங்களின் நேர அறிவிப்பு வேலுவின் சிந்தனையை பெரிதாக கலைக்கவில்லை.... இங்க வந்து, ஊருக்கு திரும்பி போற எல்லாருமே என்னிய மாதிரி ஏதாவதொரு வழியில் ஏமாற்றப்பட்டு இருப்பார்களோ? இல்லேன்னா, சந்தோஷமான முகத்தோட ஏன் திரும்பி போகல என்று நினைத்து லேசாக சிரித்துக்கொண்டான்....

அட, இந்த சிரிப்புகூட நமக்கு 3 வருஷம் கழிச்சுல்ல வருது.... நேத்து வரைக்கும், நம்ம மனசுல சோகம் பாசி மாதிரி ஒட்டிட்டுதான இருந்தது.... இப்போ வந்த இந்த லேசான சிரிப்பு அதுவும், கையில கொஞ்சம் காசோட வீட்டுல இருக்கறவங்கள பார்க்கப்போறோம் என்பதால் தானே?

கையில் டிராப்ட்டாய், ஒரு லட்சத்து எண்பத்து ஏழாயிரம் ரூபாய் உள்ளது. மாப்பிள்ளை வீட்டு காரங்க கிட்ட மூணு லட்சம் கொடுக்கணுமே. என்ன செய்யலாம், கொஞ்சம் தவணை கேட்கலாமோ. வேண்டாம் வாழ போற நம்ம வீட்டு பொண்ணு, புகுந்த வீட்டுக்கு போகும் போது ஜம்முன்னு போகணும். கடன உடன வாங்கியாவது சரி செஞ்சிப்புடணும். துபாய் போய், மறுபடி ஒரு ரெண்டு வருசத்துல கடன அடைச்சு புடலாம். நம்பி பணம் தருவாங்க. பார்க்கலாம், பஷீர் பாய் ஒரு நம்பர் கொடுத்துருக்காரு, ஊருக்கு போனதும் பேசிடணும்.

ஏர்போர்ட் பளபள சுவரில், குளிர் நீர் வினியோகத்தின் அருகில் சென்றான். கவிழ்த்து வைத்திருந்த பிளாஸ்டிக் கப்பில் ஒன்றை கவனமாய் எடுத்து, நீர் சேகரித்து குடித்தான்.

புதியதாய் அணிந்திருந்த அந்த சட்டையின் காலர், கஞ்சி போட்ட விரைப்பில் கொஞ்சம் அழுத்தமாய் கழுத்தை பிடித்தது. புதிய சட்டையின் வாசமும், காலை இருக்கி பிடித்திருந்த அந்த புதிய ஷூவும் வேலுவுக்கு பிடித்திருந்தது. ஊர் சென்றதும் நம் பஜாரில் உள்ள கடை சென்று வடையும் டீயும் சாப்பிட வேண்டும். அந்த சுவை மாதிரி எங்குமே இல்லை.

மனம் இன்று புதுமையாக இருந்தது. ஏனோ தெரியவில்லை, இன்று கவலைகளின் கழிவுகள் இல்லாமல், உடல் லேசாக இருந்தது. மனம் துளசியை நினைத்தது, அவள் நினைவுகளையும் முகத்தையும் மனதில் தேடியது. அவள் எப்படி இருப்பாள், ம்… இந்த மூன்று வருடத்தில் கல்யாணம் முடிந்திருக்கும். வீட்டு பிரச்சனை, பணப் பிரச்சனை எல்லாம் என்னை கோழையாக மாற்றி என் காதலை சொல்லாமல் அல்லவா தடுத்துவிட்டது. ம்…. நினைப்பதெல்லாம் நடந்தா விடப் போகிறது. நீண்ட பெருமூச்சுடன் அந்த நினைவை அவன் கலைத்தான்.

விதி அங்கனம் இல்லாது, அவனுக்கு தர வேண்டிய அதிர்ச்சியை தயாராக்கி, இந்திய ஏர்போர்டிலேயே அவனை அடித்து விட திட்டமிட்டது. விதியின் திட்டம் அறியாத வேலு, மெல்ல நடையில் ஏர்போர்ட் உள் விரைந்தான். விதியும் அவன் கூடவே பயணித்தது (டிக்கட் வாங்காமல்)

(விதியின் விளையாட்டு அடுத்த பகுதியில்......)

லாரன்ஸ் / ஆர்.கோபி

பொங்கலோ பொங்கல்

2011-01-13T11:17:00.002+04:00

நண்பர்கள் மற்றும் அவர்தம் குடும்பத்தார் அனைவருக்கும் மனம் கனிந்த இனிய பொங்கல் நல்வாழ்த்துக்கள்.

மார்கழி முடிந்து பிறந்தது தை

மனதில் நாளும் நம்பிக்கை வை

புதிதாய் வாங்கிய பானை இங்கு

அதை சுற்றி கட்டிய மஞ்சள் கிழங்கு

சந்தையில் வாங்கிய அடிக்கரும்பு

அதனுடன் வாங்கிய பூவும் அரும்பு

மாவால் போட்ட பல வகை நெளிக்கோலம்

அது காட்டியது கன்னியர்களின் கைஜாலம்

உமி களைந்து எடுத்த சம்பா அரிசி

அது நீரோடு நீராக ஒட்டி உரசி

அதனுடன் உடைத்து சேர்த்தது வெல்லம்

அதை இதமாய் பதமாய் சமைத்தது இல்லம்

மேக கூட்டம் களைந்து, வானத்தை பிளந்து

சூரிய கதிர்கள் பளீரென பிரகாசம் காட்ட

இருண்ட சூழல் விலகி வெளிச்சம் கூட்ட

சூரியனின் ஒளிக்கதிர்கள் பூமியை அடைய

நம் பூவுலகின் இருள் விலகியது.

அதுபோல் நம் வாழ்வின் இருள் விலக

எல்லாம் வல்ல இறைவனை வேண்டுவோம்

அனைவரும் ஒன்று கூடி உரக்க கூவுவோம் -

"பொங்கலோ பொங்கல் பொங்கலோ பொங்கல்"

கோலிவுட் - டாப்-20 நடிகர்கள்

2010-12-27T09:00:00.003+04:00

பிஹைண்ட்வுட்ஸ்.காம் தற்போதைய கோலிவுட் டாப்-20 நடிகர்கள் பட்டியலை வெளியிட்டுள்ளது...

வழக்கம் போல், சூப்பர் ஸ்டார் ரஜினி அவர்கள் “எந்திரன்” படத்தின் உலகளாவிய மெகா வெற்றியை தொடர்ந்து முதல் இடத்தில் இருக்கிறார்...

முன்பு டாப்-10ல் இடம் பெற்றிருந்த சரத்குமார், விஜயகாந்த் போன்றோர் டாப்-20ல் இடம் இழந்துள்ளனர்...

தொடர்ந்து வெற்றிகளை குவித்து வரும் நடிகர் சூர்யா 3ம் இடத்தில் உள்ளார்...

அந்த முழு பட்டியலை நீங்களே பாருங்களேன்...

1. RAJINI

Having just celebrated his 60th birthday, the Superstar is in no mood to slow down. His latest movie Endhiran is a testimony to this fact. With such an abundance of energy and dedication shown in the movie, he is no wonder, the toast of the crowd. Being a veteran in Kollywood, he is being looked at, by many, as an idol. Needless to say that his global image got bigger with Endhiran! What would be his next movie? Now that’s a million dollar question.

2. KAMAL

A man with ten faces, quite literally, when you count the different aspects of filmmaking he knows and contributes too. If Dasavatharam showed him in ten different avatars, his other movies project his various other talents too. A dream for every producer, Kamal's latest movie Manmadhan Ambu will please his audiences to no end. Least to say that his movies maintain a buzz right from the time it is announced.

3. SURIYA

Suriya stunned audiences when he transformed himself from playing a hunchback in Perazhagan to an angry man with a six pack in Ghajini. Having worked with many of the top directors in Kollywood, Suriya has carved a niche for himself. Being one of the crowd's favourite also helps him from being cheered by the audience regardless of age. His first Bollywood movie Rattha Charithiram is another movie which has proved his weight as an actor. 7aam Arivu? Wait, wait....

4. VIJAY

Arguably one of the best dancers among the current actors of the industry, Vijay's achievements are not alien to any. Continuing to enthrall audiences with his dancing skills and histrionics, he is liked my people from all walks of life and professions. He has the composure to take everything in his own stride. Though Kavalan is yet to be released, his fans are already talking about his next movie Velayudham. Hmm...

5. AJITH

An actor and an avid racer, Ajith is regarded by his fans as a calm person who is ready to please them through his movies. His movie Billa was a talking point in Kollywood for a while and Ajith showed his other face by helping with the screenplay of his movie Asal. With Mankatha, his 50th movie, in the news every day, his fans cannot wait to see their favourite hero on the silver screen.

6. VIKRAM

Another actor who likes to experiment with his looks and style if the movie demands, Vikram is another actor who can draw audience by sheer screen presence. With movies like Pithamagan, Anniyan and the more recent Raavanan proving his acting skills, it is little wonder that he got a lot of International recognition this year. With his next movie in production stages, Vikram would be excited to present himself before his fans.

7. DHANUSH

Dhanush is known to people as yet another actor who can dance effortlessly. Having acted in a serious movie like Polladhavan, he changed track and made the crowd go in splits with movies like Yaaradi Nee Mohini and Padikathavan. Uthama Puthiran showed his crowd-pleasing skills yet again. With his next movie Aadukalam making people notice with its music, his fans cannot wait to see what the Vetrimaran-Dhanush combination has to offer this time around.

8. KARTHI

He makes people go berserk when he says "Yenna mama sowkiyama", on stage. Karthi is fast emerging as one of people's favourites by acting in movies like Paiyaa and Naan Mahaan Alla. Having had a good 2010, Karthi must be banking heavily on his forthcoming movie Siruthai.

9. STR

If STR was seen on the silver screen mostly as an angry youngster or as an action hero, VTV changed this completely. Karthik and Jesse scripted a new chapter of love in Kollywood and showcased STR as a subtle actor. Busy ever since, he would be thrilled with his forthcoming releases Vaanam, Poda Podi and Vettai Mannan.

10. ARYA

He stunned people with his Agori avatar in Naan Kadavul. He made them feel for him in Madarapattinam and he had them in total splits in Boss engira Baskaran. Another of today's actors who is keen on showing variety, he is the toast of the younger generation with his cool looks in the latest movie Chikku Bukku. With Avan Ivan, directed by Bala, in the pipeline, Arya would be expecting to deliver what his fans expect.

11. JEYAM RAVI

Having acted mostly in romantic movies, Jeyam Ravi broke this image in the movie Peranmai, in which he acted as a tough NCC officer. Being touted as one of the many actors liked by family audiences, Jeyam Ravi's role in Thillalangadi is being praised by many. With Prabhu Deva's Engeyum Kadhal and Ameer's Aadhi Bhagavan in the pipeline, Jeyam Ravi is expecting to have a power-packed 2011.

12. VISHAL

The Tall-Dark-Handsome hero, as he is called by his fans, has acted in memorable movies in the past. His acting in Theeradha Vilaiyattu Pillai was well received in 2010. Acting in director Bala's movie Avan Ivan should be a learning experience for this talented actor who is also busy with his next movie under Prabhu Deva's direction.

13. JIIVA

Jiiva belongs to the latest generation of actors who display a lot of variety in terms of movies they act in. If Ram, E and Katradhu Tamizh proved his ability to enact serious roles, SMS and other such movies showed glimpses of him being a mass-entertainer. Having been low-key for a while, Jiiva is raring to roar in Singam Puli and in Ko.

14. BHARATH

Bob Kaly of Boys became the cynosure of everyone's eyes when Kaadhal got released. Pattiyal, Veyil and other movies proved his ability to carry a role on his shoulders with ease. He would be eagerly awaiting his next movie Vaanam, where he shares screen with Simbhu.

15. MADHAVAN

He may have been in the industry for 14 years but Madhavan is still referred to, by many, as the chocolate-boy hero. He has shown a flair for acting in different roles and languages too. After a spine-chilling performance in Yaavarum Nalam, he is all sent to take you on a cruise ride in Manmadhan Ambu.

16. PRITHVIRAJ

With a distinct Tamil accent, Prithviraj is one of the few actors who have proved his mettle in Kollywood after acting predominantly in other languages. His performances in Mozhi, Abhiyum Naanum and the more recent Raavanan are still appreciated by many. He is out to break his niche image with the upcoming multi-lingual movie Urumi, directed by Santhosh Shivan.

17. SHIVA

One of the budding talents in Tamil cinema, Shiva’s unique dialogue delivery is not only liked but imitated by many. This RJ-turned-actor became a solo hero in Thamizh Padam and gave us 'Va' in 2010. It is safe to say that he has his own audience who like his style of acting.

18. JAI

Jai is another actor with a unique dialogue delivery style. His role as Azhagar in the movie Subramaniapuram is still sympathized by many. Also doing the rounds is his performance in Kanimozhi. He would be eagerly expecting his next movie which include Vettai Mannan alongside Simbhu.

19. AADHI

He was hated by many for his 'junglee' character in Mirugam. But Aadhi impressed everyone with an underplayed performance of an investigating police officer in Eeram. The talented actor showed his other face in the recently released Ayyanar and would be banking heavily on his movie with Vasantha Balan which has been titled 'Aravaan'.

20. NAREN

Director Mysskin revealed that Naren is one of his favourite actors just for his dedication. Having made a grand debut in Tamil with Chithiram Pesuthadi, Naren created ripples with a strong performance in Anjathey. Fans will be eagerly waiting for his releases in 2011, which include Pookadai Ravi and Thambikottai.

நன்றி : BEHINDWOODS.COM

"மைனா" திரைப்பட இயக்குனருடன் ஒரு சந்திப்பு

2010-12-16T10:04:00.007+04:00

துபாய் கோழி!!!.... கொக்கரக்கோ என கூவி பொழுது இனிமையாக விடிந்தது. இன்று ஒரு “மைனா”வும் சேர்ந்து கூவியபோது அந்த கூவலில் ஒரு இனிமை சேர்ந்திருந்தது....

தமிழகமே பாராட்டும் ஒரு திரைப்பட இயக்குனரை சந்திக்க நாங்கள் இருவரும் தயாராகி, மகிழ்வுடன் அங்கு சென்றோம். அங்கு என்றால், எங்கு? துபாய் நகரின் உயர்மட்ட குடியிருப்புகளை தன்னடக்கிய ஜூமைரா எனும் ஏரியா.... அங்கு அமைந்துள்ள ஒரு உயர்ரக சொகுசு தங்கும் விடுதி. மதினத் ஜூமைரா என அழைக்கப்படும் மீனா அல் சலாம் எனும் 5 நட்சத்திர ஹோட்டல்.

வரவேற்பறையை தாண்டியதும் இருந்த அறையில், கிறிஸ்துமஸ் அலங்காரங்கள் அழகுக்கு அணி சேர்க்க, அயல் நாட்டு அரைக்கால் டிரவுசர்கள் அங்குமிங்கும் நிறைந்திருக்க அந்த லாபி பகுதி இனிமையாக இருந்தது. இதோ நண்பர் வந்து விட்டார். கை குலுக்கி, சம்பிரதாயங்கள் முடிய, ஹப்பா… இந்த பளபளப்பும், ஆடம்பரமும் கொஞ்சம் மூச்சு முட்டுவது போல் இருக்கிறது, வாருங்களேன் வெளிக்காற்றை சற்றே சுதந்திரமாக சுவாசிப்போம் என அன்புடன் அழைத்தார்.....

யதார்த்தமும் எளிமையும் ஒருசேர சுவாசிக்கும் தமிழ் திரையுலகின் வெற்றி இயக்குனர். திரு.பிரபு சாலமன் அவர்கள். அவரது சமீபத்திய மைனா திரைக் காவியம் பாமரனையும் படைப்பாளிகளையும் ஒரு சேர இணைத்து பாராட்ட சொல்லி விட்டதே. பாக்ஸ் ஆபிசிலும் இமாலய வெற்றி பெற்றுள்ளது.

நேற்றைய துபாய் சர்வதேச திரைப்பட விழாவில் (DIFF) ”மைனா” படம் இரவு திரையிடும் மகத்தான நிகழ்வு வெற்றிகரமாக அரங்கேறியது. சர்வதேச அளவில் படைப்பாளிகள் பாராட்டி, கேள்வி நேரத்தின் போது இன்னும் பாராட்டு மழையில் திரு.பிரபு சாலமன் அவர்களை நனைத்தனர். என்ன செய்வது வானம் பொத்து கொண்டு ஊத்தும் சென்னையில் இருந்து வந்தவருக்கு துபாய் மண்ணில் பாராட்டு மழை தானே மணி மகுடம். நேற்றைய விழாவின் களைப்போ அலுப்போ இல்லாது, சகஜமாக ஊர் சுற்றி பார்க்க நம்முடன் கிளம்பி விட்டார்....

பேச்சினூடே, தமிழ்ப்படங்கள் எதார்த்த படைப்புகளை படைக்க ஆயத்தமானது கண்டு தன் மகிழ்ச்சியை வெளிப்படுத்தினார்... “மைனா” போன்ற யதார்த்தமான சிறிய பட்ஜெட் படங்களை நம் மக்கள் இரு கரம் நீட்டி வரவேற்று, அமோக ஆதரவளிப்பது இது போன்று பல படைப்புகள் வெளிவர வழிவகுக்கும் என்று தெரிவித்தார்.... பெரிய பட்ஜெட் படங்களின் ஜிகினா தனங்கள் எடுபட்டாலும், நெகிழ்வான நிகழ்வுகளை உள்ளடக்கிய சிறிய பட்ஜெட்டில் தயாராகும் யதார்த்த படங்களே காலம் கடந்து நிற்கும் என்றும் கூறினார்...

சாலையில் வண்டி வழுக்கி கொண்டு ஓட, எங்கள் அரட்டை வண்டி பல தளங்களை தொட்டு தொட்டு ஓடுகிறது. துபாயின் அசுர வளர்ச்சி, அரசியல் எல்லாம் எங்கள் சிலபஸில் சிக்கிக் கொண்ட சில சில்வண்டுகள். உலகின் மிக உயரமான (தற்போதைக்கு) ”புர்ஜ் கலீஃபா” கட்டிடம் பார்க்க செல்கிறோம், அங்கு வாழ்வின் ஒரு ஆதாரமான தத்துவம் எங்களுக்கு புரிகிறது.”புர்ஜ் கலீஃபா”வின் கீழே நின்று எவ்வளவு உயரம் என பார்ப்பதற்கு கழுத்தை பின்னோக்கி தள்ளி, கஷ்டப்பட்டுத்தான் பார்க்க வேண்டும். அதிலும் முழு கட்டிடத்தையும் கேமராவில் அடக்க… உருண்டு புரண்டுதான் எழ வேண்டும். இதில் வாழ்வியல் தத்துவம் என்னவென்றால் ’வாழ்வில் நாம் உயரங்களை காண இது போல் நிறைய உருண்டு புரண்டு தான் எழ வேண்டும்’. ஃபோட்டா பிடிக்க போன இடத்தில் பிடித்த தத்துவம் எப்பூடி…?.

பேச்சு அவரது ”மைனா” திரைப்படத்தின் பக்கம் திரும்ப, ஒரு திரைப்படத்தின் வெற்றி இரண்டு சக்கரங்களில் இருக்கிறது. ஒன்று கண்டெண்ட் இன்னொன்று ஃபீல் என சுருக்கமாய் நச்சென்று தெளிவாக சொல்கிறார். தான் இன்று நடந்து வரும் இந்த யதார்த்த சினிமாவின் பாதை அன்னக்கிளி, பதினாறு வயதினிலே எனும் காலம் தொட்டு இன்னும் இன்றும் தொடர்கிறது காதல், பருத்தி வீரன் எனும் கலைப்படைப்புகளாய் என்கிறார். மைனாவை பொறுத்தவரை தியேட்டரில் திருவிழா எனும் இலக்கை நோக்கித்தான் பயணித்தேன், அதை அடைந்தேன் என நினைவுகளுடன் நெகிழ்கிறார்.

”மைனா” திரைப்படத்தின் வெற்றி அனைவரின் எதிர்பார்ப்புக்களையும் மேலும் தூண்டி விட்டிருக்கிறது, எனவே அடுத்த பட சிந்தனைகள் கொஞ்சம் படபடப்பாய் இருப்பதை தவிர்க்க முடியவில்லை என்கிறார். இன்னும் எனது அடுத்த படத்தின் உணர்வுகளில் பயணித்து கொண்டிருக்கிறேன், மிக விரைவில் தீர்மானம் செய்து அறிவிக்க இருக்கிறேன் என பொறுப்புணர்ச்சியுடன் பேசுகிறார்.

பளபளக்கும் துபாய் சாலைகள், சட்ட திட்டம், வாழ்க்கை முறை என ஆழமான கேள்விகள் கேட்டு, நம் தாயக மக்களை நினைவு கூர்ந்து இப்படி சொன்னார். நாளைய தேவை…. என பணத்தேவைக்காக இன்றைய வாழ்வை தொலைக்கிறார்களே.

யேசு கிறிஸ்து சொல்வாரே ‘வானத்து பறவைகளை பாருங்கள், அவை விதைப்பதும் இல்லை, அறுப்பதும் இல்லை. ஆயினும் வானகத்து தந்தை அவற்றை போஷிப்பதில்லையா. எதை உண்போம் எதை குடிப்போம் என கவலை கொள்ளாதீர் என சொல்வதே மிக உயர்ந்த லட்சியம். உலகே அதை பின்பற்றினால் நல்லதே என கருத்து சொல்லும் போது அவரது தத்துவ சிந்தனையும், சமூக அக்கறையும் மின்னி பளிச்சிடுகிறது.

நடிகர் திலகம் சிவாஜி கணேசன் எனும் மாமேதையையும் தமிழ் சினிமாவுக்கு அவர் ஆற்றிய பெரும் பங்கையும் அன்புடன் நினைவு கூர்ந்து, நாம் அவருக்கு தர வேண்டிய மரியாதை தராமல், வெறுமே பெசண்ட் நகரில் உள்ள மயானத்தில், மின்சார எரியூட்டியதை நினைவு கூர்ந்து வருத்தப் பட்டார். குறைந்த பட்சம் அவருக்கு ஒரு நினைவிடமாவது நிறுவப்பட வேண்டும் என்ற அவரது கருத்தில் மறுக்க முடியாத உண்மை பளிச்சிட்டது.

மிகப்பெரிய 5 நட்சத்திர ஹோட்டலில் இரண்டு, மூன்று நாட்கள் உணவருந்தி இருந்தாலும், நம்மூர் கைப்பக்குவத்தில் உணவு கிடைக்குமா என்று கேட்ட போது, அவரை நம்மூர் அஞ்சப்பர் உணவகத்திற்கு இட்டு சென்றோம்...மணக்க மணக்க தமிழக செட்டி நாடு உணவு பரிமாறப்பட, ஒரு சிறிய பிரார்த்தனை செய்து விட்டு ஒரு கை பார்த்தோம்… சாப்பாட்டில் ஒரு கை பார்ப்பது தானே நல்லது, இரண்டு கையும் பார்த்தால் தண்ணீர் குடிக்க எச்சில் கையில் அல்லவா டம்ளர் ஏந்த வேண்டியிருக்கும்.

ஒரு சமூக அக்கறை உள்ள, நேர்மையான எளிமையான படைப்பாளியை சந்தித்து, உரையாடி, உறவாடியதில் மகிழ்ந்து மென்மேலும் அவர் வெற்றி பெற வாழ்த்து தெரிவித்து விடைபெற்றோம்.

அந்த ஹோட்டலின் வாசலுக்கருகில் நாளைய விடியலுக்கு கூவத் தயாராக ஒரு கோழி காத்திருந்தது

அரிமா…. அரிமா… நீயோ…. ஆயிரம் அரிமா!!!

2010-12-09T12:15:00.007+04:00

டிசம்பர் 12 2010 அன்று குளோபல் சூப்பர் ஸ்டார் ரஜினிகாந்த் பிறந்த நாள்.

வழக்கமாக!!! பிறந்த நாளை சாக்கு வைத்து கொண்டு நமக்கு நாமே திட்டம் போல், தனக்கு தானே போஸ்டர் அடித்து எல்லா சுவரையும் அசிங்கம் செய்யும் மனிதர்களுக்கு இடையில், கொண்டாட்டங்களை தவிர்த்து அமைதியில் தன்னை அமிழ்த்தி, தனிமையில் தன்னை ஆராயும் ஒரு நிகழ்வாய் இதை கொண்டாடும் மகா மனிதன் சூப்பர் ஸ்டார் ரஜினிகாந்த.

அங்கனம் உயர்ந்த பண்புகளை தன்னகத்தே கொண்ட நல்ல மனிதனின் பிறந்த நாளில் நாம் அவருக்கு அருமையான பூங்கொத்து ஒன்றினை பரிசளிப்போம்.... அழகான வார்த்தைகளை கோர்த்து மாலையாக்கி, இதோ ஒரு வாழ்த்துப்பா, அவரை விரும்பும் தங்கள் அனைவரின் மேலான பார்வைக்கு இதோ:

ரஜினி எனும் மூன்றெழுத்து காந்தம்

வெற்றி, நிறைவு, மகான் என மலர்ந்து

வாழ்வின் அர்த்தமாக மின்னுதே என்னே ஒரு பாந்தம்.

மலராத மலரும் உண்டா இவ்வுலகில்

இருந்தால் அது கூட, மலருமே உன் சிரிப்பில்

மலர்ந்த மலரின் மணத்தில், உயிர்ப்பில்

கண்ட அனைவரும் நிறைவோமே சிலிர்ப்பில்

வெள்ளி வானில் சில பல மின்மினி
மின்ன பாக்கும் பல சில இனி இனி
தோல்வி என்பதே இல்லை உனக்கினி

”ஆறிலிருந்து அறுபது வரை” உன் மேல் விருப்பம்
அதுவே திரைவாழ்வில் நீ கண்ட மாபெரும் திருப்பம்

உன் நிறமோ சிறிது கருமை - ஆனால்
கருமைக்கே நீ சேர்த்தாய் பெருமை
இதை கண்டோர்க்கெல்லாம் பொறாமை
அவர்களுக்கு எங்கே தெரியும் உன் அருமை

எல்லோர்க்கும் உன் செயல் மேல் நம்பிக்கை
நீ விதைத்தாய் அவர்தம் வாழ்வில் தன்னம்பிக்கை

நீ, மன்னர்களும் மண்டியிடும் ”ராஜாதி ராஜா”
சேரனும், சோழனும் உள்ளடங்கிய - ”பாண்டியன்”
உன் படம் படையெடுக்கும் போது
பட்டையை கிளப்பும் வசூல்... நல்ல மகசூல்.
உன் படம் கண்டவர்கள் சொன்னது தூள், தூள்...
முந்தைய வசூல் சாதனைகள் ஆனதே தூள், தூள்

நீ, ரசிகர்கள் கூட்டத்தை நல்வழிப்படுத்தி
முன்னின்று அழைத்து செல்லும் ”தளபதி”
உலகிற்கு தர்மத்தை போதித்த ”தர்மதுரை”

உழைப்பின் அருமை பெருமையை
ஓங்கி, உரக்க சொல்லிய ”உழைப்பாளி”
“வள்ளி" என்ற நல்ல படத்தின் படைப்பாளி

தர்மத்தை போதித்து அதர்மத்தை விரட்டியவன்
அதனாலேயே உன் பெயர் “தர்மத்தின் தலைவன்”

நீ, தரணிக்கே ஒரே மகன்
இந்நாட்டின் தலைமகன் - ஆயினும்
”நான் மகான் அல்ல”, சாமான்யன் தான்
என அடக்கத்துடன் சொல்லிய ”தங்க மகன்”

நீ சொல்லி சூறாவளியாய் அடித்த படம் ”பாட்சா”
உன்னிடம் எப்போதும் பலிக்காது மற்றவர்கள் பாச்சா

உன் அவதாரத்தின் ஒரு பெயரோ ”வீரா” -
ஆனாலும் நிஜத்தில் நீயோ ஒரு சமாதான புறா

அகவை அறுபதை கடந்த "மாவீரன்” நீ
ஆயினும்...பாசம் உள்ள புனிதன் நீ
மீசை வைத்த குழந்தை நீ

சுருங்கி கிடந்த தமிழ் சினிமாவையும்
அதன் சுருண்டு கிடந்த வியாபாரத்தையும்
”எந்திரன்” என்ற படத்தின் மூலம் மீண்டும்
அகண்டு விரிய செய்த அற்புத ”மனிதன்” நீ

ஆண்டுகள் பல ஆனாலும், வயது சில போனாலும்,
இன்னும் உன் ”இளமை ஊஞ்சலாடுகிறது”.

தேனையும், சர்க்கரையையும் உண்டால்தான் இனிக்கும்
ஆனால், உன்னையோ ”நினைத்தாலே இனிக்கும்”

நீ பாசத்தின் பாவலன், ”ஊர்காவலன்”
அனைவரும் விரும்பும் "ந‌ல்ல‌வ‌னுக்கு ந‌ல்ல‌வன்"

அன்பான எஜமானுக்கு ஒரு உண்மையான ”வேலைக்காரன்”
யுத்தத்தில் கூட தர்மம் கண்டது - உன் ”தர்ம யுத்தம்”

அரிதாரமின்றி அவனியில் உலா வரும் “அதிசய பிறவி” நீ
எளியோருக்கு உதவிட இறைவன் படைத்த அற்புத கருவி நீ

தேவலோக இந்திரனும் கண்டு களித்தது உன் “எந்திரனே”
உன் புகழுக்கு தடை போட இனி இல்லை ஒரு அரணே

“எந்திரன்” என்ற ஒரு மாபெரும் சித்திரம்
உலகில் படைத்ததே பல பல சரித்திரம்

அனைவரும் தவமிருக்கும் ஆட்சி கட்டில்
உனக்கோ எப்போதுமே அது பேச்சு மட்டில்

ஆட்சியை தேடி அனைவரும், அனுதினமும் அலைய
வெண்தாடியோடு நீ அமைதியை தேடி இமயம் ஓடி ஒளிய

பிறந்த நாள் வாழ்த்து என நான் தொடங்க
வார்த்தைகள் தேடி வந்து, சேர்ந்து ஆனது கவிதை
அதுவும் இங்கே நிகழ்ந்தது தான் விந்தை

ஓடி மறைந்து ஒளிந்தாலும்,
வேண்டாம் என்று ஒதுங்கினாலும்
உன்னை விடுவதில்லை நாம் இனி
வேண்டாமென சொல்லாதே நீ இனி

உனக்கே சமர்ப்பணம் இந்த சாமான்யனின் பா
இந்த அகிலமே காத்திருக்கு, அரியணை ஏற வா

"தல" சிறப்பு அதிரடி கேள்வி பதில்கள்

2010-11-30T10:49:00.005+04:00

”தல” அவர்கள் வாழ்வின் முக்கிய கடமையான நமக்கு நாமே திட்டம் என்ற வழியில், தனக்கு தானே கேள்விகள் எழுப்பி, அதற்கு பதில் சொல்லும் “தல சிறப்பு அதிரடி கேள்வி-பதில்கள்” என்ற பகுதியில் எழுதியுள்ள லேட்டஸ்ட் “சிறப்பு கேள்வி-பதில்கள்” உங்கள் பார்வைக்கு.....

கேள்வி : ஜெ.ஜெ. உண்ணாவிரதம் இருந்தால்?
பதில் : உண்டு கொழுத்தவர்கள், உடல் இளைக்க இது ஒரு வழி. தேர்தலுக்காக போடும் நாடகத்தின் புதுமொழி.

கேள்வி : வை.கோ?
பதில் : அவர் பொய்க்கோ ஆகி வெகு நாட்கள் ஆகிவிட்டது. அவரை நம் மக்கள் போய்க்கோ என்று சொல்லும் நாள் வெகுதூரம் இல்லை.

கேள்வி : பகுத்தறிவு??
பதில் : அறிவுரைகளின் முதன்மை வார்த்தை. நாம் அடுத்தவரை பின்பற்ற சொல்வது. சொல்பவர்களாகிய நாங்கள் எப்போதுமே பின்பற்றாதது.

கேள்வி : சமீபத்தில் கிடைத்ததில் பிடித்தது?

பதில் : "பகுத்தறிவு பகலவன்" என்ற பட்டம்.

கேள்வி : மு.க.முத்து

பதில் : அகில உலக நாயகனாக வலம் வந்திருக்க வேண்டிய எங்கள் குடும்பத்தின் சொத்து....

கேள்வி : பிடித்த நிறம்

பதில் : மஞ்சள் நிறம் மட்டுமே அல்ல

கேள்வி : அடிக்கடி நினைவில் வந்து இம்சிக்கும் ஒரு வார்த்தை?
பதில் : ஐயோ, கொல்ராங்கோ, அய்யய்யோ கொல பண்றாங்கோ.........

கேள்வி : பிடிக்காத ஒரே நபர்

பதில் : ஜெ.ஜெ. என்று என் வாயால் சொல்ல மாட்டேன்.....

கேள்வி : எரிச்சலூட்டும் வார்த்தை
பதில் : மைனாரிட்டி அரசு.

கேள்வி : ஆற்காடு வீராசாமி?
பதில் : தொட்டால் ஷாக் அடிக்கமாட்டார். இடது புறம் சென்று பேசினால், பதிலளிக்க மாட்டார். மொத்தத்தில் நல்லவர். கழகத்தில் ஒரு மூத்தவர்.

கேள்வி : டி.ஆர்.பாலு?
பதில் : வழிப்போக்கர்களுக்கு வழிகாட்டி, பாலங்களின் நாயகன். பல கப்பல்களுக்கு சொந்தக்காரர் (எனக்கு கப்பம் கட்டியவர்களில் முதலிடம் இவருக்கு).

கேள்வி : அன்பழகன்?
பதில் : எனக்கு பின் என் இடம் இல்லை என்றாலும், என் இதயத்தில் அவருக்கு நிச்சயம் இடம் உண்டு (இல்லை என்றால், என் இடத்தையே கேட்டு விடுவார்).

கேள்வி : டி.ராஜேந்தர்??
பதில் : ஓயாமல் அடுக்குமொழி பேசி அடுத்தவரை இம்சிப்பவர். இப்போது நம்மை பார்த்து துடுக்குமொழியும் பேசுகிறார்... மிகப்பெரிய உடம்புக்கு சொந்தக்காரர். கூடவே, மிக சிறிய மனசுக்கும்......இந்த வயதிலும் திரையில் குத்தாட்டம் போடுவதில் வல்லவர்...இன்னமும் முதன்மை நாயகனாக நடிப்பேன் என்று சொல்லி அனைவரையும் எல்லோரையும் பயமுறுத்துபவர்.

கேள்வி : விஜயகாந்த்??
பதில் : அரசியலில் அரிச்சுவடி படிக்க வந்துள்ள குழந்தை. இருப்பினும் அதனிடம் இருக்கு நிறைய அகந்தை. நேற்றைய மழையில் முளைத்த காளான்... என்றும் பிறர் சொல் கேளான்....

கேள்வி : கையூட்டு என்றால்??
பதில் : கையூட்டு என்றால் என்ன?? என் தாய் என் சிறு வயதில் என் கையில் வைத்து ஊட்டிய சோறுதானே??

கேள்வி : தமிழ்??
பதில் : தாய்மொழியாம் தமிழ் என் மூச்சு, தமிழ் என் பேச்சு, தமிழ் என் வாட்சு.......

கேள்வி ; ஆங்கிலம்??
பதில் : வாணிபம் செய்ய புகுந்த அன்னியரின் பகட்டு மொழி.... நாம் எப்போதும் புறக்கணிக்க வேண்டிய ஒரு மொழி... ஆயினும், அவ்வப்போது நானும், எப்போதும் என் வீட்டு இளையவர்களும் கைகொள்ளும் ஒரு அற்புத மொழி...

கேள்வி : கருப்பு கண்ணாடி??
பதில் : அழகிற்கு அழகு சேர்ப்பதற்காக மட்டும் அல்ல என்று சொன்னால் நம்பவா போகிறீர்கள்.....

கேள்வி : பிடித்த சுவை?
பதில் : கருப்பட்டியும் அதனுடன் சேர்த்து சிறிதளவு தேனும்........

கேள்வி : பிடித்த உணவு?
பதில் : கேப்ப களி மற்றும் குறு மிளகாயுடன் சேர்த்து சில சிறிய வெங்காயங்கள். முன்பு, நிறைய தின்றாகி விட்டது. இப்போது தின்று சிறிது நாளாகி விட்டது. விரைவில் கிடைக்கும் என்று குறுங்கிளி ஒன்று காதில் சொல்லி விட்டு செல்கிறது........

கேள்வி : கலைஞர் டி.வி??
பதில் : உலக தொலைக்காட்சி வரிசையில் முதலிடம். உலக தமிழர்களின் தேவை, அதற்கு நாங்கள் செய்யும் சேவை. ஆஹா.... இந்த சேனலை பார்க்கத்தான் உலகிலுள்ள அனைத்து தமிழர்களும் காத்திருக்கின்றனர்... உலகின் பல கோடி தமிழர்கள் இலவசமாக மகிழ்விக்கும் ஒரு புதிய முயற்சி தான் இந்த கலைஞர் டி.வி... இந்த சேனல் யாருடையதாக இருந்தாலும், அவர்களின் நல்ல உள்ளத்திற்காக, அந்த சேவை செய்யும் மனப்பான்மைக்காக அவர்களை வாழ்த்துகிறேன்...

கேள்வி : ஜெயா டி.வி??

பதில் : அப்படி என்றால் என்ன?? புதியதாக வந்துள்ள ஒரு டி.வி.மாடலா?? இது வரை நான் கேள்விப்படவில்லை.....

கேள்வி : கடவுள் பக்தி??
பதில் : நான் இதுவரை நீங்கள் சொல்பவரை கண்ணால் கண்டதில்லை.... காதால் கேள்விப்பட்டதும் இல்லை... ஆனால், என் மனைவி மற்றும் குடும்பத்தாரிடம் எப்போதும் நீக்கமற நிறைந்திருப்பது....

கேள்வி : பிரச்சனை??
பதில் : கோயில்களில் என் வீட்டார் எனக்காக, என் பெயரில் செய்த அர்ச்சனை (இது வெளியில் தெரிந்தால் பிரச்சனை).

கேள்வி : பிடித்த பாடல்??
பதில் : சர்க்கர இனிக்கிற சக்கர, இதில் எறும்புக்கு என்ன அக்கறை??

கேள்வி : உங்கள் குரு??
பதில் : என்னை என் இதயத்தில் தாங்கி பிடித்த அறிஞர் அண்ணா....

கேள்வி : தேர்தல் கூட்டணி.
பதில் : இதயத்தில் இடமளித்தவர்களுக்கு தொகுதிகளிலும் கொஞ்சமாக இடமளிக்கும் ஒரு விளையாட்டு.

கேள்வி : இலவச கலர் டி.வி??
பதில் : மக்களை மகிழ்விக்கும்... ஆனால், சேனல்கள் பார்க்க சேர்த்து தனியே கட்டணம் வாங்கி விடுவோம்.

கேள்வி : ஒரு ரூபாய் அரிசி??
பதில் : ஒரு வேளை சாப்பிட்டவர்கள், இனி மூணு வேளையும் வயிறு முட்ட சாப்பிட நான் செய்த யோசனை.... (இந்த திட்டம் மட்டும் வராமல் இருந்திருந்தால் நான் மத்திய அரசை எதிர்த்து காலை டிஃபன் முடித்து விட்டு, உண்ணாவிரதம் இருந்திருப்பேன்).

கேள்வி : ஜல்லிக்கட்டு??
பதில் : வீரமிகு கட்டிளம் காளையர்கள், பருவ சிட்டுகளை, கட்டழகு கன்னியர்களை தன் வீரதீர செயல்கள் மூலம் தன் வசம் ஈர்க்க உதவும் ஒரு அற்புதமான விளையாட்டு....

கேள்வி : தொகுதி பங்கீடு??
பதில் : அதிகம் ஆசைப்படுபவர்களிடம், அதிக ஆசை ஆபத்து என்பதை வலியுறுத்தி, சொற்பமாக கொடுக்கப்படும் ஒரு விஷயம்... அதிலும் கண்டோம் பேரம் பேசும் சில அற்பம்....

கேள்வி : உங்கள் தேர்தல் வாக்குறுதிகள்??
பதில் : தேன் தடவிய கசப்பு மருந்து. மருந்து வேலை செய்வதற்குள் நாங்கள் ஆட்சி கட்டிலில் அமர்ந்து விடுவோம்.

கேள்வி : தமிழக மக்கள்??
பதில் : குற்றம் பார்க்கின் சுற்றம் இல்லை, கூடி வாழ்ந்தால் கோடி நன்மை.

கேள்வி : இதை எதற்கு சொன்னீர்கள்??
பதில் : ஏதாவது சொல்லவேண்டுமே என்று சொன்னேன். மற்றபடி, அவர்கள் போடட்டும் எனக்கு ஓட்டு. இல்லை என்றால், அவர்களுக்கு நான் வைப்பேன் வேட்டு.

கேள்வி : மக்களிடம் பிடித்தது?
பதில் : அவர்களின் ஞாபக மறதி.

கேள்வி : பிடித்த வார்த்தை??
பதில் : நாளை நமதே, 234-ம் நமதே.....